أحمد موسى: "الدولة مش بتبيع حاجة.. عيب الكلمة دي"
أحمد موسى: "الدولة مش بتبيع حاجة.. عيب الكلمة دي"
أكد الإعلامي أحمد موسى؛ أن الدولة المصرية لا تقول ببيع أي شيء لافتا أن الدولة تحافظ على كل شبر من أراضيها ولكنها تطرح مشروعات من أجل الاستثمار ومشاركة القطاع الخاص.
وقال موسى خلال برنامج "على مسؤوليتي" المذاع على قناة "صدى البلد": "حضرتكوا عارفين من فترة الكلام على وثيقة ملكية الدولة ورئيس الوزراء عمل لقاء مع مجموعة من الخبراء وزي ما تقول أحنا بادئين حوار مجتمعي".
وأضاف: "الدولة هتتخارج من بعض الأنشطة وإتاحة هذه الأنشطة للقطاعات المختلفة في القطاع الخاص؛ الموضوع النهاردة مختلف النهاردة بتقول أنا عايز المواطن وشاركونا يا جماعة وقولولنا رأيكم".
وتابع: "في منصة حوار للخبراء والمواطنين والمتخصصين من خلال تطبيق شارك ويتيح كل المعلومات والأخبار حوالين أنشطة الدولة في هذا الملف".
وأكمل: "الموضوع النهاردة مش حد بيشتغل لوحده عايزين مشاركة من كل الناس؛ شارك وقول رأيك ورئيس الوزراء بيقول شاركونا يا جماعة".
واختتم: "الدولة مش بتبيع حاجة وبعدين كلمة عيب والله كلمة عيب؛ لفظ أنك بتبيع مين اللي بيبيع؟ دي بلد بتحافظ على كل شبر أبر مش تبيع".
