أحمد موسى يكشف حقيقة إلغاء قائمة المنقولات
أحمد موسى يكشف حقيقة إلغاء قائمة المنقولات
أكد الإعلامي أحمد موسى أن ما يتردد عن إلغاء قائمة المنقولات المتعارف عليها في الزواج غير صحيح مشيرا إلى أن كل ما يثار على وسائل التواصل الاجتماعي غير صحيح.
وقال موسى خلال برنامج "على مسؤوليتي" المذاع على قناة "صدى البلد": "اتعمل حد بيهزر كده وقالك القائمة سقطت وتدخل الناس تعمل حوارات والحقوا القائمة مش موجودة".
وأضاف: "رسميا لم يصدر أي تصريح رسمي من أي جهة في الدولة وأنا سألت؛ مفيش مسؤول في البلد من أي جهة طلع تصريح عن الغاء القائمة".
وتابع: "كل الكلام اللي بيتقال دة هري؛ حد مسؤول طلع؟ لا أنا سألت المسؤول الأول في الحكاية دي؛ سألته هل صدر أي حاجة؟ قالي لا مفيش أي تصريح رسمي صدر".
واختتم: "كمسؤولين ودولة وحكومة وتشريع مفيش؛ يبقي ليه الهري؟ أدي خطورة السوشيال ميديا؛ الناس بتجري ورا حاجة ملهاش أصل".
