أعرب حسام حسن، المدير الفني للاتحاد السكندري عن حزنه الشديد لما تعرض له خلال مجريات مباراة المارد الأحمر، التي جرت ضمن منافسات الدوري العام.
وقال حسام حسن خلال تصريحاته بالمؤتمر الصحفي عقب نهاية المباراة: "مبروك للأهلي.. الأهلي ليس طرفًا، ولكن (فيه ناس عايزة تبوظ شغل الناس اللي بتتعب.. أنا مش عايز منتخب ومش عايز حاجة) ".
وأضاف: "لقد تم تهديدي على خط الملعب.. (أنا عاوز حقي.. في الشارع دا تهديد ويستدعي محضر، لكن في الملعب مين يجيب لي حقي ؟) ".
وواصل مدرب المصري: "خدمت الكرة المصرية، (وأنا مش واخد حقي في أي حاجة، وبكلم رئيس الوزراء لأن اتحاد الكرة أو الوزير مش هيجيب لي حقي) ".
وأكمل: "الحكم عمل كل اللي هو عايزه حسب علينا ضربة جزاء ولغى الهدف بتاعنا.. ومساعد الحكم تكلم معي بأسلوب غير لائق وقال لي انا هخليك تشطب كورة".
وأتم حسام: "قدمنا مباراة تكتيكية كبيرة، وقدمنا مجهودًا كبيرًا كجهاز فني، وهدفنا هو البقاء في الدوري، وسنحاول جاهدين لتحقيق ذلك، ولكن (ابقوا قابلوني لو اخدت حقي من الحكم المساعد) ".
وكان النادي الأهلي قد تغلب على المصري بهدفين دون رد، في المباراة التي جرت مساء اليوم الأربعاء على ملعب الجيش ببرج العرب في الإسكندرية، لحساب منافسات الجولة الـ 30 من الدوري.
