أحمد موسى يحذر المواطن من حرائق الكهرباء
أحمد موسى يحذر المواطن من حرائق الكهرباء
طالب الإعلامي أحمد موسى؛ المواطنين بعدم الضغط على استخدام الكهرباء تحسبا لحدوث مشكلات في الخطوط قد تؤدي إلى حرائق داخل المنازل.
وقال موسى خلال برنامج "على مسؤوليتي" المذاع على قناة "صدى البلد": "ليا رجاء وطلب؛ ببساطة لكل مواطن في بلدي العظيمة؛ أرجوكم سنوات طويلة جدا بتحصل حرايق؛ تلاقي وانت قاعد بعد الشر الشقة ولعت والمصنع ولع والسبب الأساسي والرئيسي على مدار 30-40 سنة؛ حضرتك بتشغل كل أجهزة التكييف في البيت مرة واحدة".
وأضاف: "المشكلة أسلاك الكهرباء؛ التيار اللي عندك هل الضغط اللي عندك يتحمل أن أشغل كل الأجهزة مرة واحدة؟ لازم أسأل هل أستطيع أشغل كل حاجة مرة واحدة؟ عشان لا تفاجأ بالشبكة اللي في البيت؛ البيت له قدرة لو زدوت على القدرة دي هتلاقي البيت ولع بسبب الضغط على الشبكة اللي في بيتك".
وتابع: "بدل ما أشغل تكييف أو أربعة أو خمسة أشغل واحد أو اتنين؛ رقم واحد استخدامي قل؛ ورقم اتنين أن ميحصلش عندك ماس كهربائي والشقة تتحرق".
وأوضح: "في مئات وألاف الحرايق بتحصل يوميا؛ وفي ناس بتموت في البيوت بسبب دة؛ قدرة استهلاكه للكهرباء؛ عندك غلاية بلاش الفترة دي الغلاية؛ مينفعش أستخدم تكييف وغلاية في وقت واحد".
وأكمل: "بنصح الجميع لو سمحتوا من فضلكم؛ في ناس معندهاش تكييف؛ وفي أسر معندهاش تلاجات وفي بعض المناطق الناس بتشتري تلاجه مشتركة الناس دي بتبقى بسيطة جدا".
وواصل: "أنا النهاردة أقدر أوفر ايه عشان ميحصلش عندي مشكلة؛ بنصحكم لا تستخدموا كل الأجهزة مرة واحدة؛ التلاجة طبيعي عشان الأكل الموجود فيها حضرتك في بعض الناس بتشغل التكييفات في البيت كله ولا قاعد في أوضه منهم".
واختتم: "لما أقول لحضرتك وفر شوية كهرباء ليك وعشان بردو متضغطش على كهربا بتاعة بيتك عشان ممكن متتحملش".
