تامر أمين يحسم الجدل حول الأنباء المتداولة عن مدرب الأهلي الجديد
تامر أمين يحسم الجدل حول الأنباء المتداولة عن مدرب الأهلي الجديد
هاجم الإعلامي تامر أمين؛ بعض الإعلاميين الرياضيين الذين يطلقون الشائعات حول اسم المدير الفني الجديد للنادي الأهلي مشيرا إلى أن الجميع لا يمتلكون أي معلومة بخصوص هذا الأمر.
وقال أمين خلال برنامج "أخر النهار" المذاع على قناة "النهار": "علامة تعجب كم الفتي اللي بيفتيه الإعلاميين فيما يتعلق بالمدير الفني للنادي الأهلي؛ معظم الإعلاميين اللي بيتكلموا عن اجتهادات ومعلومات بتيجي من الكونترول كل دة هجص في هجص بيعملوه عشان التريندات والمعلومات".
وأضاف: "مفيش حد عنده معلومة؛ كله فتي يعني عك وربك يفك؛ هيقولك بعد كدة أصل المفاوضات فشلت معاه؛ وسمعنا كلام من أسبوع أن خلالص خليفة سواريش هو كارلوس كيروش؛ كنافة بالطورشي وبعدين قالك أصل فايلر راجع وأتفقوا مع مراته؛ كنافة بالطرشي".
وتابع: "وبعدين قالك لا لا الجوهرة السوداء اللي جابلنا البطولات بقي راجع؛ وموسيماني راجع وخلاص؛ وأخر الكلام عن خليلوزيتش؛ كل الكلام اللي اتقال الأسبوع اللي فات امسحة بأستيكة".
وأوضح: "تعجبي من الإعلاميين والشخصيات الرياضة اللي عمالة تعمل بلبلة ملهاش أي لزمة وتعجبي الأكبر من الناس اللي بتصدقهم؛ أنا أعرف أن مروجي الاشاعات دول ناس ملهمش لازمة أو ناس عايزين يعملوا لنفسهم قيمة لكن لما يطلع شخضيات رياضية وإعلاميين يطلقوا الشائعات هو دة اللي مسار للعجب".
وأكمل: "أرجوا أنهم يتقوا الله في الجماهير والناس؛ اللي بيتكلموا هم أكثر الناس دراية ومعرفة أن النادي الأهلي طريقته ملهاش علاقة باللي هما بيعملوه؛ مفيش تسريبات ومفيش حد بيكلم حد من مجلس الإدارة ويقوله".
واختتم: "الأهلي لما يتم التعاقد بيحصل الإعلان وأي حاجة تتعارض مع دة متصدقهاش؛ السستم سستم ومحدش عنده معلومة إلا صاحب المعلومة وليس مجلس إدارة الأهلي بالكامل ولكن الناس المكلفة بالبحث والتفاوض والتعاقد وبقيت المجلس ميعرفش دول بيعملوا ايه".
