فرج عامر يروي تفاصيل اشتباكه مع مرسي في قصر الاتحادية
فرج عامر يروي تفاصيل اشتباكه مع مرسي في قصر الاتحادية
أكد المهندس محمد فرج عامر؛ رجل الأعمال ورئيس نادي سموحة السابق؛ أنه اشتبك مع الرئيس المعزول محمد مرسي خلال تواجده في قصر الاتحادية مشيرا إلى أن الامر كاد أن يصل للاشتباك بالأيدي.
وقال عامر في مقابلة مع برنامج "على مسؤوليتي" المذاع على قناة "صدى البلد": " قلت لمرسي أشكر حضرتك لدعوتك الكريمة؛ وأنا دلوقت أطمنت على مصر وعارف رايحة فين بس أنا ليا كلمة واحدة؛ الرجالة بتوعك في برج الغرب مدوا مستثمر على رجليه عنده مصنع غزل ونسيج".
وأضاف: "ضربوا الراجل ونزلوا مستثمر من الدور التالت من فتحه 50 في 50 وهو طوله 2 متر؛ وواقفين بالسكاكين والمطاوي وقافلين المصانع وأنا قفلت وقلتله هاخد مصانعي وأمشي".
وأضاف: "لقيت الجزيرة بتكلمني هاجمت هجوم جامد؛ كلمني واحد بيقولي اية الكلام اللي بتقوله دة قالي أنا حسن مسعود رحته شتمته؛ واشتريت أرض في الإمارات وكنت هستثمر هناك".
وتابع: "كلمني الملحق الزراعي للسفارة الأمريكية قالي السفيرة الأمريكية عايزة تقابلك وقالي هتقابلك السبت في مكتبنا في اسكندرية وقلتهم عدوا عليا في البيت راح قافل ومكلمني وقالي هنجيلك الساعة 4 ونسيت وبعدين لقيت في ناس تحت".
وأكمل: "قلت للسفيرة الأمريكية أنتوا دمرتم مصر تماما؛ قالتلي لا لا؛ قلتلها أزاي؛ أنا كنت واقف في طابور استفتاء الدستور لقيت الناس كلها داخلة تقول لا؛ دخلنا جوة لقينا اللي على الصناديق مش قضاة".
واختتم: "قالتلي لازم تدعم مرسي قلتلها لا أنا هاخد جنسية كندي ودفعت 850 ألف دولار ووقفت على حلف اليمين وقلتلها هنقل مصانعي فسابتني ومشيت".
