كشف إمام محمدين رئيس قطاع الناشئين بالنادي إنبي عن نجاح النادي البترولي في "خطف" لاعبين من الأهلي والزمالك في وقت سابق بسبب الزي.
وقال محمدين خلال حديثه عبر قناة صدى البلد: "في لعيبة خطفتها من الأهلي والزمالك بسبب موضوع اللبس زي محمود كهربا".
وأضاف: "في ناشئين الأهلي في البراعم كانوا بيدوا اللعيبة تيشيرتين في الموسم احنا كنا عاملين 4 أطقم للتدريب و4 أطقم للمباريات وفي تيشيرتين بكم أبيض وبترولي في اللاعب يقول أنا هروح إنبي دول بيدوا شنطة لبس قد كدة".
وأكمل: "النادي الأهلي كان بيصرف مثلا على 12 لاعب في البراعم دايما في أي مفهوم رياضة انت بتعمل قاعدة كبيرة وبعدين تروح للمستوى الهرمي للمستوى العالي".
وأتم إمام محمدين حديثه: "احنا في نادي إنبي كنا في المراحل السنية الصغيرة دي باخد 25 أو 30 لاعب".
