فقد الإعلامي عمرو أديب أعصابه على الهواء مباشرًة عقب خسارة الزمالك لقب كأس السوبر لصالح النادي الأهلي بهدفين مقابل لا شيء أمس الجمعة.
وقال عمرو أديب "نص لاعبي الزمالك في مباراة السوبر لعبوا في مراكز غلط، من امتى شيكابالا بيكون ناحية الزمالك ومن امتى زيزو بيكون رأس حربة؟ من امتى كل ده بيحصل؟ كل حاجة كانت غلط وكل حاجة كانت شمال".
وأضاف "كله كان عنده حالة انه نازل يجيب الكاس ويرجع بيه على ميت عقبة، الي يعمل كدة لازم يخسر، الزمالك خسر بجد، دايما بقول ان حظ الأهلي نار لكن الأهلي كان نار مش حظه الي كان نار".
وواصل "الأهلي لحد آخر لحظة لحد هدف كريم فؤاد كان بيلعب وبيكافح وعاوز يعمل حاجة في المباراة، لكن الزمالك كان بيتعامل احنا ابطال الدوري والكاس والفانلة الزرقا".
وتابع "كان لازم تتلغب، ولا حكم ولا جمهور ولا ارض ولا حسد ولا اعمال ولا فانلة زرقا هي السبب، الأهلي كسب لانه كان احسن، لو الزمالك فضل مكمل بنفس السياق ده اعملوا حسابكم ان مفيش زمالك السنة دي".
وأكمل أديب تصريحاته "الأهلي كسر نحسه في مباراة السوبر، وانوا عارفين لما الأهلي بيكسر نحسه بيحصل ايه، الاهلي لما بيفتح معاه الحظ قول يا رحمن يا رحيم، الزمالك لازم يعيد النظر في اللاعبين الجدد الي جم ويتبنى خطة جديدة".
