حرص السويسري مارسيل كولر المدير الفني للفريق الأول لكرة القدم بالنادي الأهلي على توجيه رسالة هامة في المؤتمر الصحفي عقب مباراة الأهلي والاتحاد السكندري في الدوري الممتاز.
وقال كولر: "في حاجة عاوز اقولها في البداية ملهاش علاقة بالمباراة بس مهمة اني اوضحها انا وصلي ان بيتكتب كتير في الاعلام ان في لعيبة عاوزها ولعيبة مش عاوزها ولعيبة لازم تمشي واني بقول أرائي في بعض اللعيبة".
وأضاف: "أؤكد مرة تانية قدام الناس كلها انا متكلمش مع اي حد من الصحفيين مقولتش لأي حد في النادي أنا عاوز مين ومش عاوز مين معبرتش اني عاوز حد او عاوز امشي حد الكلام ده عاري تماما من الصحة لو سمحتم محدش يصدقه محصلش".
وأكمل: "أنا حديثي الصحفي الوحيد هو المؤتمرات الصحفية بعد المباريات غير كدة مفيش اي كلام بعمله مع الاعلام ومفيش اي اخبار بتطلع مني عن لعيبة سواء عاوزها او عاوز امشيها".
وأردف: "لو حصل ان في لاعب عاوزه يطلع اعارة او لاعب عاوز اجيبه بتكلم مع لعيبتي الاول قبل ما اتكلم مع الاعلام بيبقوا عارفين الاول انه هيخرج او كدة لو اصلا حصل وبعدين بنقول للاعلام".
وأتم كولر: "لكن مفيش اي حد في خططي انه هيخرج او هستغنى عن اي حد خالص ولا فكرت في الموضوع ولا اتكلمت فيه مع حد".
