علق السويسري مارسيل كولر المدير الفني للفريق الأول لكرة القدم بالنادي الأهلي على نتائج قرعة دور المجموعات لدور أبطال إفريقيا والتي أقيمت اليوم الإثنين.
وأسفرت قرعة دور المجموعات لدوري أبطال إفريقيا عن تواجد النادي الأهلي على رأس المجموعة الثانية والتي تضم كل من: صن داونز الجنوب افريقي - الهلال السوداني – القطن الكاميروني.
وقال كولر في المؤتمر الصحفي بعد مباراة الأهلي والاتحاد السكندري: "سمعت ان المجموعة صعبة لسة متعرفتش على الفرق كويس".
وأضاف: "انا اللي لازم اشوفهم واتعرف عليهم واخد معلومات كافية عن الفرق علشان اقدر اقيم، لكن اللي اقدر اوعد بيه اننا نحضر نفسنا كويس لماتشات دور المجموعات".
وانتقل كولر للحديث عن التدوير بين المهاجمين في مباريات الأهلي: "لازم بنعمل تدوير في المهاجمين بالذات لاننا بنلعب كورة ضغط عالي ودي بتحتاج المهاجم بيجري كتير جدا لانه بيجري مسافات كتير بيبقى عليه حمل بدني كبير".
وواصل: "بالطريقة اللي بلعب بيها ميقدرش يلعب مهاجم 3 4 ماتشات ورا بعض مستحيل لازم ادور بين المهاجمين لازم يبقى المهاجم فريش علشان يقدر يمارس انواع الضغط اللي بطلبها.. بيرسي بيلعب تاني ماتش له اتمنى متكونش اصابته كبيرة ومتطولش".
