تحدث السويسري مارسيل كولر المدير الفني للفريق الأول لكرة القدم بالنادي الأهلي عن مسألة التبديل بشكل كبير بين مهاجمي الفريق في التشكيل الأساسي لكل مباراة.
وقال كولر في المؤتمر الصحفي بعد مباراة الأهلي وسيراميكا كليوباترا: "بالنسبة لنقطة المهاجم بدأنا بشادي حسين ومعملش ماتش وحش خلق فرص كتير وصل للجول كتير وضيع كتير مجابش اجوال في الاخر".
وأضاف: "بختار المهاجم على اساس التمرين ونسبة التهديف وده اللي بيفرق مهاجم عن التاني هو نسبة التهديف وبشوف في التمرين نسبة التهديف عاملة ازاي".
وأكمل: "ومفيش حد فيهم اقنعني للاسف لحد دلوقتي لاعبت تاو وجاب جولين في ماتشين ورا بعض وبدأت احس انه ممكن يحللي المشكلة لكن للاسف اتصاب".
وواصل: "(تغيير طريقة اللعب والاستعانة بخطة بديلة؟).. عديت احنا كان لينا كام فرصة محققة انهاردة؟ خلقنا الفرص الموضوع ملوش علاقة بتغيير طريقة اللعب الحارس كان بيصد كويس او في رعونة على المرمى وكان في فرص كتير طبيعي انها تدخل اجوان والمفروض الماتش انهاردة يخلص بسكور".
وأتم كولر حديثه: "بطلب عرضيات دايما من الباكين وبطلب منهم انهم يدخلوا جوا الملعب ويشوط ويزيد وده عملوا هاني بشكل كويس الشوط الاول ودي كلها تعليمات وده بيحصل انا كمدرب بوصل الفريق للجول ناقص اننا نجيب اجوال".
