الرئيس السيسى مداعبًا صاحب مصنع: «قولى أرباحك وإلا هبعتلك الدكتور معيط»
الرئيس السيسى مداعبًا صاحب مصنع: «قولى أرباحك وإلا هبعتلك الدكتور معيط»
وجه الرئيس عبدالفتاح السيسي حديثه إلى أحمد العريان صاحب أحد مصانع الأحذية في محافظة سوهاج، عن المرتبات الشهرية، قائلًا: "أقدر أسألك على أرباحك الشهرية كام؟"، ليرد العريان بالقول: "لو بعت بـ100 ألف جنيه نكسب 20 إلى 35 ألف جنيه"، ليداعبه الرئيس مجددًا: "هبعتلك الدكتور معيط على طول".
وهنأ الرئيس السيسي صاحب المصنع، قائلًا: "ألف مبروك وربنا يوفقك في مصنعك، ولما بسأل على الناس اللي بتشتغل في المصنع، هدفنا المساهمة الكبيرة جدًا في الصناعة، وكل ما تشتغل أكتر هتبقى ماهر أكتر وبالتالي ياخد مرتبات أكتر، وكل اللي هطلبه منك ومحتاج كدولة نساهم معاك فيه، هو موضوع البحوث وجودة الإنتاج، ونقدر نساعد المصانع في التدريب ولو محتاجين خبرات علشان نحقق المواصفات العالمية في المنتجات".
ونصح الرئيس السيسي صاحب المصنع، قائلًا: "ربنا يوفقكم إنت واللي بيشتغلوا وتحققوا أكتر من كده، وخلي بالك من صحة الناس اللي عندك، ويجب تلافي الآثار الصحية بممارسة الرياضة، يعني الوزن الزيادة ما ينفعش يا أحمد".
