لبنى الجود*
تنفيذا لنصيحة الضابطة المعزولة وهيبة خرشش، اللي كتقول فيها أنه إلا كان اللي كيتكلم حمق ، اللي كيتصنت خاصو يكون بعقلو… قررت أنني نحط كاع الأفكار المسبقة ديالي على هاد السيدة و نتناول هاد القضية بموضوعية، بعيدا عن أي عاطفية.
وهيبة خرشش التحقت بصفوف الأمن الوطني ف 2003، حتى أنا التحقت بالتعليم العالي ف 2003… جميل!! 🤗
كتتكلم الضابطة السابقة عن مسارها النظيف، و هو كالتالي :
2014 : رسالة إنذار إثر إعتداء الأخت وهيبة على الزميلة ديالها بمقر الشرطة بأزمور، حيث كانت الأخت وهيبة خدامة فخلية العنف ضد النساء 😐
اللي هي سميتها… اللي كتستمع للنساء ضحايا العنف، عنفات بوليسية خدامة معاها خخخخخخخخخخ 🤣🤣🤣 ضحكت فعلا و قلبت على كلينيكس و مسحت دموعي و هاني رجعت نكمل 🤣🤣
2016 : طلبات الأخت وهيبة مقابلة مع السيد عزيز بومهدي، المدير الإقليمي ، اللي قبل الطلب ديالها و استقبلها رفقة مسؤولين إداريين، و هنا حطات شكاية ضد ( جبد ستيلو و ورقة و قيد عندك) :
– مدير الدائرة الأمنية اللي كتشتغل فيها
-عناصر أمنية كتنتمي لنفس الدائرة
– عناصر فقاعة المواصلات ( مكتفهمش انت علاش و كيفاش )
-جارها ( تعجبتي من الناس ديال قاعة المواصلات؟ يا الله فهم هادي)… اللي قالت ليك تحرش بيها و كان غادي يغتصبها.
تحركات المفتشية العامة على أساس هاد طن و نص ديال الشكايات، و عيطات ليها تستمع ليها فإطار التحقيق، فإذا به، كتأكد هداكشي كامل اللي قالت للمدير الإقليمي عزيز بومهدي…. و كتزيدو حتى هو فاللائحة 😐
بلاتي هاني جاية 🚶
المهم… راع ساعة و أنا كتكتب هادشي و تقادا ليا كلينيكس… و المشكلة هو أنها عاد غادي تنطلق القصة 🚀 🤣🤣
أوييييييلي الراجل كان كتشكي عليه حتى ولات كتشكي بيه 😂
الراجل شكات عليه ف 2016 و شكات بيه ف 2016 و لكن “التحرش المزعوم” وقع ف 2014…اللي هي سميتها و هي كتشكي عليه راه كان هو زعما تحرش بيها سابقا، هداكشي علاش كان طالب منها الشرع فاش جات تحط الشكايات و جاب مسؤولين إداريين حضرهم معاه… نووووو منطق آت أول !!
المفتشية العامة اللي جاية تحقق فشكايات إدارية سمعات التحرش و هي تقول حبااااااس!!
رفعات تقرير للمدير العام، عبد اللطيف حموشي… المدير العام لا يبتسم فهادشي… عطى التعليمات :
Il faut appliquer la loi
Ne ménagez personne
Allez jusqu’au bout !
و هذا ما كان… التحقيق خدا المجرى ديالو و تمت تبرئة هذاك السيد ( تعاطفت معاه حقيقة و كتسمحو ليا!! آشاوا هاديك المصيبة !!) ، ستانفات إزميرالدا ، خدا البراءة ، مشات للنقض ، خدا البراءة!
لا حگا و لواد، المديرية العامة للأمن الوطني هي اللي خلصات عليه المحامي، و هادشي مكاينش… و حتى إلا كان، و فرأيي الخاص : و انتي مال أهلك؟!
لا حكا و لواد الشهود… من اصل ثلاثة جا واحد يشهد… و هو مكانش حاضر أساسا… الخادمة ديالها اللي دارتها شاهدة مجاتش!!
و في ورقة أخرى :
تعرضات للتهديد فمحطة القطار casa port… مكتعلمش الأخت البوليس اللي كاينين فالمحطة، كتمشي من كازا للجديدة، كتتوجه عند وكيل الملك… و هي كتشرح شنو وقع ليها… يغمى عليها… كتدخل للمستشفى…. كيعيط ليها وكيل الملك باش تكمل الإجراءات… ميمكنش ليها… وضعها الصحي… أربع أيام كتدوز… كيعاود يعيط ليها… ميمكنش ليها مخها مشوش لأنها كتشرب الدوا….
موراها كتحط شواهد طبية :
-21 يوم
– 30 يوم
-30 يوم
اللي هي 81 يوم
سالات…. جات تكمل الشكاية… معاقلاش على اللي هددها كيف داير شنو لابس… قصير… طويل… والو… معاقلاش !
كتجبد بلان آخر ( مكاينش الملل) :
راجلها كيتوصل بصور و تهديدات…. عطات رقم هاتف المهدد… اللي قالتلك تابعها فينما مشات : بنكرير مراكش…
النيابة العامة كتدير تسخير على هذاك الهاتف…كتلقاه كيتنقل بين الدار البيضاء و الجديدة…مكاين لا بنكرير لا مراكش!
المسار النظيف نعماس!!
إيييييه أ ليام !
أنا ف 20 عام : لا تنبيه /لا إنذار /لا توبيخ…
إلا نتي أ الأخت عندك مسار نظيف
أنا غادي يكون عندي مسار متسخ… و نزيدك تافه و ممل بالمقارنة مع هاد الزخم أ بنتي!!!
عاد حارگة…
هاربة من العدالة!
و مهربك المحامي ديالك… اللي مسحتي ليه مؤخرتو بالفوطة… و شرا ليك طونوبيل زرقاء…
مزال مفهمتش شنو هو التحرش عندك أ الأخت… و شنو اللي ماشي هو تحرش…
المهم مساااار هو!!
حاسة براسي تافهة… و حشمت 😐
(المصدر: صفحة لبنى الجود الرسمية على فايسبوك)
