بعد رفض النقض لطعنها.. سيدة الكرم: خلاص مش عايزة حاجة ربنا موجود وحقي عنده
بعد رفض النقض لطعنها.. سيدة الكرم: خلاص مش عايزة حاجة ربنا موجود وحقي عنده
بالدموع.. استقبلت السيدة سعاد ثابت “75 عاما ” خبر رفض محكمة النقض لطعن النائب العام، ببراءة المتهمين بتعريتها، بدموع، وهى تقول “خلاص مش عايزة حقى تاني .. ربنا موجود .. حقي عنده .. هو شايف ظلمي وبهدلتي، وهو يرد حقي”.
وتابعت السيدة: كل الناس في القرية شافوا بهدلتي، وجارتي شهدت بكده، وهم عروني وحرقوا بيتي، و6 سنين يضغطوا علي علشان اتصالح، وأنا برفض وفي الآخر يأخدوا براءة، ده انا بعت بيتي في القرية ومشيت علشان مش قادرة اقعد، وعيالي سافروا ومشيوا بعد اللى حصل لهم، وكل ده وفى الآخر يأخدوا براءة، أنا مش عايزة حاجة تاتى …
وكان المتهمون قبل حكم النقض رفعوا قضية تعويض ضد سيدة الكرم بعد الحكم الصادر ضدهم بالبراءة فى ديسمبر 2020 ، وتم التصدي لها لان الحكم امام محكمة النقض ، وقال محامى السيدة ان المتهمين لا يمكنهم طلب تعويض من السيدة لان هناك اتهامات وقضية كانت ضدهم ، وان النقض جاء برفض طعن النائب العام نظرا لان نيابة النقض قدمت مذكرة بالرفض على طعن النائب العام ، ولذا ولوجود خطأ فى الإجراءات تم
رفض الطعن المقدم من النائب العام الخاص بالشق الجنائي.
ويأتي قرار اليوم لتأييد الحكم الصادر في 17 ديسمبر 2020 من محكمة جنايات المنيا ببراءة المتهمين الثلاثة في قضية تعرية سعاد ثابت عبد الله، والمعروفة إعلاميا بـ “#سيدة_الكرم” أصبح
نهائيًا.
جاء الحكم في جلسة 9 يناير الجاري، بعد ما يقرب من عامين على تقديم النيابة العامة الطعن بالنقض رقم 3070 لسنة 91 ق جنايات في 10 يناير 2021.
🔸 تعود أحداث قرية الكرم بمركز أبو قرقاص جنوب محافظة المنيا، إلى الجمعة 20 مايو 2016، حين وقعت اعتداءات طائفية على عدد من سكان القرية المسيحيين على خلفية شائعة بوجود علاقة عاطفية بين مسيحي يدعى أشرف دانيال عطية وسيدة مسلمة، حيث قام العشرات من مسلمي القرية بنهب وحرق 5 منازل مملوكة لمسيحيين، وإصابة ثلاثة أشخاص. كما تم الاعتداء على السيدة سعاد ثابت والدة المسيحي المتهم، وتجريدها من ملابسها وسحلها أمام منزلها، بالإضافة إلى تنظيم مسيرات جابت شوارع القرية، تخللها ترديد هتافات عدائية تجاه المواطنين المسيحيين بالمجمل.
