احتفالًا بـ«الفالنتاين».. غادة رجب تطرح أغنيتها الجديدة «كل الحب ده»
احتفالًا بـ«الفالنتاين».. غادة رجب تطرح أغنيتها الجديدة «كل الحب ده»
عادت المطربة غادة رجب إلى جمهورها ومحبيها، بمناسبة عيد الحب، وطرحت أغنيتها الجديدة "كل الحب ده "، بعد فترة غياب طويلة عن الساحة الغنائية.
ونشرت فيديو عبر حسابها على موقع التواصل الاجتماعى "فيسبوك"، وقالت فيه، "كل سنة وانتوا طيبين، وكل عيد حب وانتوا بخير، استنوا أغنيتي الجديدة كل الحب ده فى عيد الحب"، وقالت عن غيابها: "غيابي كان بسبب الولادة والأمومة ولكن الشغل الحلو هو اللى بيفرض عليكى التواجد، لكن أنا عندي أغاني كتير والفترة الجاية هتنزل، وفي حفلات غنائية كمان".
أغنية "كل الحب ده" من كلمات أمير طعيمة وألحان وتوزيع محمد عاطف الحلو وتقول كلماتها:
معقوله كل الحب ده .. هو انا بحلم ولا ايه
مقدرش انا على كل ده .. ده كتير عليا اللى احنا فيه
معقول بقيت ليا انا .. شكلي حبيبي فى يوم دعيت
مفتوحلي فيه باب السما .. خليك هنا على طول ياريت
حبيبي جنبي وبلمسه .. مبقاش خلاص عني بعيد
كل اما حلم نخلصه .. نرجع و نحلم من جديد
هنعيش سوا وانا بوعدك .. وانا عارفه ان الوعد دين
هتعب علشان بس اسعدك .. متخافش ابدا من السنين
الضحكة دي انا شوفتها .. فى خيالي قبل مشوف عنيك
واهى كل حاجه فى وقتها .. دلوقتي وقت ان أبقى ليك
ويا كل حاجه بحبها .. عمري اللى باقي ما بين أيديك
ويا جنه لما دخلتها .. نسيتنى كل الدنيا بيك
حبيبي جنبي وبلمسه .. مبقاش خلاص عني بعيد.
يذكر أن آخر أعمال غادة رجب الغنائية هي أغنية صدر السما والتي غنتها على طريقة الديو برفقة المطرب يوسف الزبيري، وتعاونا فيها مع كل من الشاعر الغنائي بدر بن شايق، والملحن عبدالله عبود، والموزع الموسيقي ياسر ماجد، ومهندس الصوت ياسر حسين.
