أعرب ياسر إبراهيم مدافع الفريق الأول لكرة القدم بالنادي الأهلي، عن سعادته بالفوز الذي حققه الفريق على القطن الكاميروني بدوري أبطال إفريقيا.
وحقق الأهلي الفوز على القطن الكاميروني بثلاثة أهداف دون رد، في المباراة التي جمعت بينهما مساء اليوم السبت، والمؤجلة من الجولة الأولى من دور المجموعات بدوري أبطال إفريقيا.
وقال ياسر إبراهيم خلال حديثه عبر قناة بي إن سبورتس، بعد نهاية المباراة: "بشكر اللعيبة الرجالة وبشكر ربنا وبنحمد فضله، ده اول مكسب ودي البداية".
وأضاف: "النادي الأهلي بيتعثر وبيمر بظروف صعبة كتير بس بنقدر نعديها ونتخطاها مع بعض كلنا ودي من سمات اللعيبة الكبار اللي في النادي الأهلي".
وعن سر تغير أداء الأهلي أمام القطن، قال ياسر: "الأهلي دايما لما بيتعثر أو بيقع في ماتشات مينفعش يقع فيها، بنقعد مع بعض كلنا هي دي روح الأهلي بتظهر في الماتشات الحاسمة والكبيرة اللي لازم تكسب فيها.. دايما بنقعد مع بعض وبنتكلم بنبقى عارفين اننا فرطنا بيبقى اللي جاي لازم نركز فيه قدرنا نركز ونعدي الماتش وبنفكر في اللي جاي ربنا يكرمنا ونصعد ان شاء الله".
وأتم ياسر إبراهيم حديثه: "فريق القطن محترم عنده عناصر صغيرة لكن احنا مذاكرينهم صح وواقفين صح وقدرنا نقفل عليهم وميوصلوش لمرمانا، ونقدر نذاكر الماتشات الجاية ونعدي الماتشات كلها ان شاء الله".
