رد أشرف صبحي وزير الشباب والرياضة على أنه دائما يقف ضد الخطيب والأهلي ومع مرتضى منصور والزمالك مشيرا بأنه دائما ما يقف في "ضهر" المؤسسة.
وأوضح أشرف صبحي في تصريحات عبر إذاعة الشباب والرياضة: "باتلكم بصراحة أنا لا ضد الخطيب ولا مع مرتضى منصور، أنا في ضهر المؤسسة أنا وقفت مع الأهلي في مشكلة كبيرة مع حد من بره وقال إدارة الأهلي وقفت جدا عشان سمعة النادي والأهلي كل طلباته مفيش طلب بيتأخر، أنا وزير مصر، احنا اكتر بلد نظمت بطولات داخل مصر، بطولة عالم للدراجات والسلاح".
وأشار أشرف صبحي: "احنا لا مع حد ولا ضد حد، مفيش موضوع من مجلس الأهلي وما بيخلصش، احنا مع المؤسسة، لما الفرقة بتتغلب في الأهلي أو الزمالك، دوري اتحمل من الجماهير بقولها فضفضي".
وعن أزمة قيد الزمالك فأكد وزير الشباب والرياضة: "ما تدخلناش فترة القيد معروف مواعيدها، الوزير لازم يعرف ما يتدخلش، وفي الآخر قرار مجلس الإدارة هو اللي مشي، عرفت بس ما تدخلتش أنا وزير الشباب والرياضة، كان فيه اتجاه عاوز يسجل واتجاه لا لو تدخلت كنت سجلت في الفترة ديه، احنا لازم نعرف، اتحاد الكرة هو المسئول عن قرارك".
واختتم وزير الشباب والرياضة: "الوزارة لا هي وزارة كرة ولا وزير كرة لكن هو بيدير الكرة زي باقي الرياضة، الكرة زاج عام شعبي لها ثتل نسبي أنا براعيه لكن انا لازم أكون شايف كل الرياضات بتاعتنا".
