قدم وائل جمعة نجم النادي الأهلي السابق التهنئة للنادي الأهلي عقب التتويج الأخير ببطولة كأس مصر على حساب بيراميدز.
وأوضح وائل جمعة في تصريحات لإذاعة الشباب والرياضة مع الإعلامي محمد الليثي: "لما الأهلي بيكسب تحس أن كل الدنيا فرحانة، بطولة في وقت مهم وعلى منافس قوية عندهم لعيبة ممتازة".
وأضاف وائل جمعة: "فوز قبل دور الثمانية لبطولة افريقيا يدي الثقة لكولر واللاعبين والجمهور ويخلي اللاعيبة رجليهم واقفة في الملعب".
وأضاف جمعة: "دايما الأهلي رمز السعادة والفرحة ومزيد من الانتصارات، انتمائي للنادي الأهلي لغاية دلوقتي الواحد اشتغل تحليل قد ايه واعلام مش قادر اتخلص من الحتة دي لغاية دلوقتي، بحاول كتير بس مش باقدر"
واختتم صخرة الأهلي والمنتخب المصري: " الحمد لله الأهلي دايما مفرح الواحد ودي عظمة الأهلي أن جمهوره وأنا واحد منهم بنخاف على الأهلي فعاوزين دايما نشوف الأهلي في أحسن حالة لما يكون فيه مشكلة أو خطأ أو حاجة محتاجة بنتكلم فيها عشان نقومه".
