تحدث وائل جمعة صخرة دفاع الأهلي والمنتخب المصري عن فوز الأهلي على الترجي بثلاثية نظيفة في ذهاب نصف نهائي دوري أبطال أفريقيا.
وقال جمعة عبر بي ان سبورتس: "فيه كلمة عاوز اقولها بس مش وقتها، الموسم اللي فات في نفس التوقيت ونفس الدور قلت للأهلي يمشي المدرب ويجيب مدرب وهيوصل وهياخد، الحمد لله كلمتي مكنتش عاوز اقولها بس الظروف اللي حكمت".
وأضاف جمعة: "كانت لموسيماني وقلتها الكلمة دي والناس قعدت تتكلم وهشام الخلصي قالي ازاي انت ضامن؟ قولتله أه انا عارف وعندي ثقة في الأهلي أنه يجيب ويصنع مدرب".
وتابع وائل جمعة تصريحاته: "الأهلي عنده كل الإمكانيات وعنده جمهور انه يوصل للبطولة دي، الأهلي كل الثقة في النادي الأهلي أنا عيشت جواه 14 سنة كولر جه درب 30 سنة خد بطولة واحدة درب سنة خدت 3 بطولات وفاضله بطولتين".
واختتم نجم الأهلي تصريحاته: "الأهلي هو اللي بيصنع المدربين واللاعبين وكل من ينتمي له ومحدش يكبر حد على النادي الأهلي كلمة مكنتش حابب أقولها".
