تحدث حلمي طولان المدير الفني للفريق الأول لكرة القدم بنادي سيراميكا كليوباترا، عن مباراة فريقه المقبلة أمام النادي الأهلي في بطولة الدوري الممتاز.
ويلتقي النادي الأهلي ونظيره سيراميكا كليوباترا مساء يوم الإثنين المقبل، ضمن منافسات الجولة 27 من بطولة الدوري الممتاز، والمقرر إقامتها على ستاد القاهرة الدولي.
وقال حلمي طولان خلال حديثه عبر قناة أون تايم سبورتس: "أنا ضد اللي يقول النادي الأهلي مبيلعبش بكامل قوته.. الأهلي عنده 35 لاعب المستويات متقاربة بل تكاد تكون متماثلة بالظبط".
وأضاف: "مفيش حاجة اسمها فلان غايب او فلان موجود انا مبعترفش بالكلام ده قدام النادي الأهلي لأن عنده البديل زي الأساسي بالظبط انهاردة في 4 أو 5 لاعبين متغيرين لكن النادي الأهلي كسب في النهاية".
وأكمل: "مباراة النادي الأهلي دايما بتكون قوية جدا صعبة جدا علينا كمنافسين بنعملها ألف حساب وبنشتغل ولو أن الوقت مش في صالحي لكن انا بشتغل نظري كتير جدا وعملي لكن العملي معنديش الحيز الكبير بنشتغل عملي في حدود الوقت المسموح لينا".
واختتم حلمي طولان حديثه: "أتمنى أن الولاد يأدوا مباراة أمام النادي الأهلي زي اللي لعبوها قدام فيوتشر بنفس التركيز والروح والأداء المتزن".
