تحدث مارسيل كولر لأول مرة عن غياب أيمن أشرف مدافع الأهلي عن الفريق في الموسم الحالي مشددا بأن الأمر فني بحت ولا توجد أزمة شخصية مع اللاعب.
وقال كولر عبر المؤتمر الصحفي عقب الفوز على سيراميكا: "هقول كلام صريح لأول مرة بقوله فعدت مع أيمن 3 مرات واتكلمت معاه لأنه سألني ما بلعبش ليه هل فيه إصابة هل انت زعلان مني انت متضايق مني".
وأضاف كولر: " قولتله مفيش أي حاجة شخصية انا باحب أيمن على المستوى الإنساني لكن الموضوع كرة بحت قدرات فنية شايف أننا عندنا 5 مساكين أيمن بالنسبالي هو الخامس".
وتابع كولر تصريحاته: "لو قدر مع الوقت والتمرين وحارب واتقدم في الترتيب ده ياخد فرصة تمام، لكن مش هاجي على حساب حد شايفه أحسن ومش هينفع أخد في قايمة المباراة خمس مساكين مستحيل، لازم باخد عدد معين باختار الأفضل حاليا".
وشدد كولر: "مفيش أي خلاف بيني وبين أيمن شخصي باحبه على المستوى الإنساني لكن الموضوع كرة بحت أنا شايفه أقل من الناس اللي موجودة مقدرش أوعده بفرصة بمنتهى الصراحة لازم هو يثبت نفسه وساعتها ممكن ياخد فرصة".
وحقق الأهلي فوز جديد على حساب سيراميكا في منافسات بطولة الدوري بهدف دون رد عن طريق حسين الشحات ليواصل تصدره ترتيب الدوري.
