فتح الإعلامي عمرو أديب على رئيس نادي الزمالك المعزول مرتضى منصور بسبب طريقة تعامله هو وأبناءه مع النادي.
وقال أديب في حديثه عبر برنامجه الحكاية أمس السبت "الزمالك نادي في مهب الريح، عليه غرامات بالملايين، لا نسمع لأحد يتحدث داخل نادي الزمالك إلا مرتضى منصور".
وتابع "مجلس الإدارة له رأي ويمثل النادي ومن حقه الحديث، نحن لا نعرف شيء عن نادي الزمالك، النادي صندوق مغلق في منزل مرتضى منصور وأولاده".
وأضاف "هذا أمر غير مؤسسي، النادي مش بتاع حد، ده نادي الدولة، الزمالك هو الشعبية الثانية في مصر، انه يتبهدل ويتكسر وميبقاش عارف ياكل مينفعش، الأهلي بيعمل الفرع الرابع واحنا مش عارفين نعمل الفرع الثاني".
وواصل "رئيس الزمالك المعزول كان يقول للموظفين امشوا انا هقبضكوا منين، كله بينتظر الانتخابات القادمة".
وأردف أديب "أتحدى حد يعرف معلومة داخل الزمالك، محدش يعرف حاجة خالص، ولما يجي يمشي مرتضى يقول شوفوا هتاكلوا منين، ليه هو احنا بناكل من بيت ابوك؟ يعني ايه ناكل منين، ده نادي له رعاية ودخل، الزمالك ليس ملك مرتضى وأولاده".
وأختتم "زهقنا وعاوزين نعرف ايه الحكاية، لو هو قدرنا يبقى خلاص نسيب الزمالك يقع على طول، هو حد يقدر يقولي ان الخطيب يقدر يعامل العامري فاروق او خالد مرتجي كدة؟، لا يمكن، في مجلس ادارة في الأهلي لكن احنا عندنا مرتضى منصور وأبناءه وبس".
