تحدث محمد الشناوي حارس مرمى الفريق الأول لكرة القدم بالنادي الأهلي، بعد تتويج الفريق بلقب دوري أبطال إفريقيا، للمرة الحادية عشر في تاريخه، على حساب الوداد الرياضي المغربي.
وتوج النادي الأهلي بلقب دوري أبطال إفريقيا، بعدما تغلب على الوداد بهدفين مقابل هدف وحيد ذهابًا، وتعادل 1-1 إيابًا في المغرب، ليتوج باللقب المحبب له ولجماهيره.
وقال الشناوي بعد المباراة: "مبروك للجمهور والجهاز الفني والإدارة واللعيبة.. السنة اللي فاتت كنا في نفس الملعب وخسرنا البطولة علشان اتظلمنا ظلم كبير".
وأضاف: "علشان كدة كان عندنا عهد اننا هنرجع السنادي ولما عرفنا الماتش التاني هنا كان عندنا إصرار وعزيمة اننا ناخد البطولة في وسط الملعب ده، تاني مرة ناخدها من هنا، مرة قدام كايزر تشفيز وانهاردة قدام الوداد".
وأكمل: "مفيش حاجة اسمها عقدة للنادي الأهلي لو بتتكلم على العقدة يبقى الأهلي عقدة لإفريقيا كلها.. خمسة كاس عالم ورا بعض النادي الأهلي كبير لازم الناس تفتكر وتبقى عارفة يعني ايه النادي الأهلي بجمهوره ولاعبيه".
واختتم الشناوي حديثه: "بقالنا اسبوع شغالين اننا نجيب جول كل اللعيبة هديت بين الشوطين فكرت اننا نلعب كورة بس فكروا في هدفنا بس اننا نجيب جول بقول للعيبة انتوا رجالة والجاي افضل لينا".