محمد تركى: الأهلي يحتاج للفوز في 4 مباريات لحسم الدورى ..وكولر بيعمل المستحيل

بعد فوزه بدوري أبطال أفريقيا عاد الأهلي للدوري المصري الذى يتصدر تصنيفه للعب المباريات المؤجلة.
وقال محمد تركى مكتشف المواهب الكروية، أن كولر يحتاج للفوز في 4 مباريات فقط من 9 لحسم الدوري رسمياً ودا طبعاً بعد فوزه بكأس مصر ( على حساب بيراميدز ) 2 سوبر محلي ( على حساب زمالك وبيراميدز ) .
دوري أبطال أفريقيا ( قابل فيه هلال سوداني وصنداونز ورجاء وترجي ووداد ) خسر ماتشين بس من 14 ماتش، رابع العالم ( كسب اوكلاند وسياتل وخسر من ريال مدريد وفلامنجو ).

مارسيل كولر بيعمل اللي نص جمهور الأهلي قال عنه مستحيل الموسم اللي فات وهو الفوز بأفريقيا والدوري والكأس والسوبر ولو في 5 بطولات تانيين قادر يدخل ياخدهم مرتاح، وبيعمل روتيشن بمعلمه بيريح فريق اساسي ويكسب بفريق احتياطي عادي خالص، ماشي في الدوري بدون هزيمة وقادر يحسمه قبل نهايته بـ 5 جولات، وهيدخل دوري السوبر الافريقي شهر 10 اللي جاي، كل دا كولر عمله بنفس قايمة اللاعيبه اللي كانوا مع مدربين قبله واتهلكوا ومكنش منهم لاعب قادر يقف على رجله ومنهم لاعييه نسيت الكورة وكولر فكرهم بيها من تاني !

كل دا كولر عمله وهو متنفذش حتى نص طلباته، وعمله بدون مهاجم بيسجل من نص فرصه ولا حتى من 5 فرص، كل اللاعيبه اللي وقعت وقولنا انتهوا النهاردة بنهتف بإسمهم وبنطالب بتجديدهم فوراً، كل الفرق اللي بتقابلها في أي بطولة بتعملك مليون حساب حتى على ملعبهم ووسط جمهورهم، بتروح ادغال افريقيا تلعب في عز الحر واعلى درجات الحرارة وترجع بـ 3 نقط وفايز 4 كمان مش هدف ونمت عليه، رجعت تاني تروح رادس تكسب فيه سكور عادي وترجع، كل دا واكتر بيعمله كولر ومصدعناش بتصريحاته كل 5 دقايق وقافل ع الفرقة عادي خالص !
اللي قبله معملش مستحيلات ولا إعجاز بس إشتياقنا لبطولة أفريقيا اللي خلانا اتشعبطنا في العربية الكارو اللي وصلتنا ليها من غير ما نفكر في أي حاجه تاني !

وسوم: الأهليبيراميدزدوري أبطال أفريقياشيري عبد المسيحمارسيل كولرمحمد تركى