كشف أحمد شوبير الإعلامي بقنوات أون تايم سبورتس، عن تفاصيل جديدة، تخص البرازيلي برونو سافيو لاعب الفريق الأول لكرة القدم بالنادي الأهلي، الذي خرج من حسابات مارسيل كولر المدير الفني للفريق.
وقال شوبير خلال حديثه عبر إذاعة أون سبورت: "نادي بوليفار البوليفي، فريق برونو سافيو السابق عاوزه، الأهلي بيشوف العروض المتاحة وازاي بيتم إنهاء التعاقد".
وأضاف: "لما لاعب محترف يجي يمشي بيقولك انا عاوز فلوسي كاملة لكن لما بيتباع مش بيطالب بباقي العقد.. هو بياخد 800 ألف دولار في الموسم ده رقم كبير جدا والرقم اللي الأهلي اشتراه بيه مليون ونص دولار كتير جدا الحقيقة.. رغم أنه بدأ بداية موفقة لكن متفهمش ايه اللي حصل وخرج تمامًا من دائرة اهتمامات مارسيل كولر".
وأكمل: "الأهلي مستني يتفاوض مع ناديه السابق هناك مش بيدفعوا 800 ألف دولار ولا 200 ألف دولار ولا الأرقام دي الأهلي هيتعور في مبلغ هيتعور هيتعور".
واختتم شوبير حديثه: "دايما بقول مين اللي يحاسب على الطلبات لأن الرقم كبير جدا هنشوف ايه اللي هيحصل ياما هيفضل قاعد ومش هيلعب والأهلي هيديله مرتبه".
