رد أحمد شوبير الإعلامي بقنوات أون تايم سبورتس، على بعض الأخبار المنتشرة بشأن أنتوني موديست مهاجم الفريق الأول لكرة القدم بالنادي الأهلي خلال فترة التوقف الدولي الحالية.
وقال شوبير خلال حديثه عبر إذاعة أون سبورت: "الناس كلها بتجتهد وأنا بقدر هذا الاجتهاد لكن منوصلش لهذا الكلام الغريب والعجيب".
وأضاف: "بيقولوا موديست بيأدي برنامج تدريبي اتعمله مخصوص في فترة إجازة النادي الأهلي وتحت إشراف مدرب اللياقة البدنية وموديست استجاب للبرنامج واللي بيتفرجوا على التمرين مبسوطين جدا من إصراره وحماسه.. حلو ده بس كان فين؟".
وأكمل: "موديست كان مسافر مكانش موجود سافر في إجازة زيه زي كل الناس ومدرب اللياقة سافر والإجازة خدوها وسافروا كلهم.. قبل ما تتقال أخبار لازم نراجعها علشان الأخبار تبقى صادقة الاجتهاد مطلوب وكلنا بنغلط بس نتأكد".
واختتم شوبير حديثه: "الراجل مش موجود في القاهرة أصلا.. لما بيرسي تاو اعتذر عن الانضمام لمنتخب جنوب إفريقيا الناس كلها عرفت أنه اعتذر.. بستغرب ازاي الناس بتتكلم كدة وتخترع أخبار كدة ومش مهم اللي يخترع خبر المهم اللي يمشي ورا الخبر المخترع".
