صباح الخير يا مصر
صباح الخير يا مصر
صباح الخير يا مصر.. لما أبوك يأتمنك على كنز، هاتعمل به ايه؟ هاترميه في الدولاب، ولا هاتبدده ولا هاتشغل الفلوس وتعلي قيمة المبلغ الأصلي.. تخيل بقى لو كان الكنز دا شخصيتك الجميلة وقلبك النقي اللي سابهم ربنا أمانة عندك! تصرفاتك هاتكون ازاي؟ هل هاتقفل على نفسك وتنعزل عن الناس علشان تبعد عن المشاكل، أم سينتابك مود ابن الملك وتتعامل مع الناس بتعالي وبقوة وافتراء، ولا ممكن تعمل بالمكتوب: إذا أراد أحد أن يكون أولاً فيكون أخر الكل وخادماً للكل.. علمني يا ربي أصون قلبي بحب الناس والمعاملة البسيطة الرحيمة، علمني استثمر كل حاجة حلوة في حياتي لخدمة الأخرين بشكل يرضيك.. عشمان تعلمني أحافظ على كنزك في وجود روحك من حولي لإرشادي.. بك أحيا وكنزي فيك فلا تتركني ولا ترفضني يا إله خلاصي.