محمد فارس يوضح التناقض في تصريحات كولر بعد الخروج من الدوري الافريقي
محمد فارس يوضح التناقض في تصريحات كولر بعد الخروج من الدوري الافريقي
منذ فترة قصيرة كان هناك تصريح مشهور لمارسيل كولر المدير الفنى للأهلي بأنه “جمهور الأهلي جعان بطولات”، وتغير الحال أمس بعد الخروج من الدوري الافريقي على يد صنداونز الجنوب إفريقي وجاء التصريح الجديد بأنه لايوجد فريق يفوز بكل البطولات.
وتعليقا على ذلك كتب الإعلامى الرياضي محمد فارس “كولر امبارح قال ان لا يوجد فريق في العالم يفوز بكل البطولات. فعلاً دي حقيقة مجردة لا تقبل الشك ان مبدأ الفوز بكل شيئ هو فرضية مستحيلة
ولكن عايز اقارن ده بتصريح كولر قبل كده انه جعان بطولات وانه مبيشبعش بطولات وانه سعيد جداً برغبة جمهور الأهلي في التتويج بكل البطولات ومتفهم ان دي فلسفة النادي
وما بين التصريحين لازم يكون في مقياس منطقي لامتى يكون استدعاء اي تصريح منهم كتفسير مناسب للموقف
ببساطة لما اخسر بطولة زي كأس العالم للأندية أو بطولة الأفضلية واضحة فيها لصالح المنافسين هنا مبرر عدم الفوز بكل شيئ هيكون منطقي تماماً.
انما لما اخسر بطولة من فريق اقل بكتير مني فنياً زي اتحاد العاصمة او أخوض بطولة محققش الفوز في اي مباراة فيها وابقى معرض للخروج على ارضي قدام سيمبا للدقائق الاخيرة واخرج قدام صنداونز في غياب اهم لاعبيه وبعد تكرار عدم القدرة اني افوز عليه في ٧ مواجهات يبقى هنا الموضوع مش مرتبط في الأساس بمبدأ ان مفيش فريق بيفوز بكل البطولات انما مرتبط بوجود أسباب مباشرة للخسارة وهي اللي حرمتك من التتويج ولازم تشتغل عليها بكل قوة عشان ترجع تكون سعيد بانك بتسعى لتطبيق فلسفة النادي وجمهوره اللي هي الرغبة في الفوز بكل شيئ
