محمد فارس بعد التعادل مع سموحة: الأعلي مفيهوش غير “كهربا” واللاعبين يجب أن تحاسب
محمد فارس بعد التعادل مع سموحة: الأعلي مفيهوش غير “كهربا” واللاعبين يجب أن تحاسب
اثار تعادل الأهلي وسموحة في الجولة الثامنة من الدوري استياء جماهير القلعة الحمراء والمتابعين والمحللين للكرة في مصر، حيث أن المستوى الذى ظهر به الأعلي الموسم الماضى اختفى نهائيا فبعد خروجه من السوبرليج تتوالى اخفاقاته في الدورى.
وقال الإعلامى الرياضي محمد فارس تعليقاً على ذلك” سموحة جي من خسارة من الزمالك بخماسية وتعادل مع زد وخسارة من الأتحاد ،سموحة ملعبش مباريات رسمية من ٢٥ يوم وده شيئ سلبي جدا انه يرجع على ماتش ضد الأهلي واللي لعب في نفس الفترة دي ٣ مباريات محلي وافريقي ومع ذلك مكنش في اي افضلية ليك .
فكرة الانتظار للدقيقة ٨٠ عشان نعمل تغييرات وده مستوى اللاعبين في الملعب ده شيئ لا يصدق . دي الماتشات اللي اتعملت عشان تغير بين الشوطين
ده تاني تعادل للأهلي على التوالي بعد التعادل مع الجونة ورجعنا بيراميدز للمنافسة، الكارثي أن ده يحصل وانت خارج من بطولة السوبرليج بدون فوز واحد في اي مباراة ومفترض الفريق يبقى عايز يعوض ده في كل البطولات اللي بيلعبها
شكلنا من غير كهربا وحش اوي اوي وده اللي بقوله كل ماتش اللي عمله كهربا من يناير لدلوقتي يستاهل تمثال، رقميا الاهلي مفيهوش مهاجم غير كهربا الاهلي محتاج ٢ مهاجمين على الأقل
الحالة اللي وصل ليها اللاعيبة فرديا محتاجة وقفة برا وجوا الملعب، كل اللاعيبة مستواها في النازل عكس الموسم اللي فات. فين بصمة كارلوس برينجر اللي جه عشان يساعد كولر في الشغل الفردي مع اللاعبين.
