أبوتريكة: فريق الأهلي لازم يتغربل زى 2019
أبوتريكة: فريق الأهلي لازم يتغربل زى 2019
مازالت أصداء مباراة الأهلي و شباب بلوزداد الجزائري تشغل الشارع الكروي بعد المستوى الذى قدمه الفريق.
وقال المحلل الرياضي مصطفى أبو تريكة، أن فريق الأهلي يحتاج لغربلة، وكتب” الفريق لازم يتغربل زى 2019
اولا التعاقد مع مدافع واعارة طاهر محمد طاهر ومحمد هانى وخالد عبد الفتاح وكريم نيدفيد اللى مش هيبقاله دور فى الفريق وكفاية لحد كده لصلاح محسن اللى خرج مليون مرة إعارة ورجع هو غير كفء بقيادة خط هجوم النادى الأهلى ومحمود متولى اللى بقاله 4 سنين مقدمش حاجة للأهلى واللى لعب دقايق تتعد على الصوابع واللى بيتصاب بالشهور وعودة الثقة لأحمد عبد القادر وعدم التفريط فى كريستو لأننا هنندم بعد كده لو مشى ولو ديانج عايز يحترف شوفوله العروض المناسبة لأنه ببساطة مش هيقعد معانا علطول وهى دى سنة الحياة وهى دى كرة القدم ولازم ولابد وحتما التعاقد مع رأس حربة ويكون هجام بمعنى الكلمة وإيجاد بديل لمعلول وقبل ده كله عودة الكابتن سيد عبد الحفيظ لأنه شخصيته قوية ومبيعملش حساب لإسم نجم ومبيحبش الحال المايل وتوجيه الشكر لخالد بيبو هو إنسان محترم بس دى مش شغلته ويجب التحرك سريعا وإنقاذ مايمكن إنقاذه من الموسم.
وانا النهارده اقتنعت أن العيب في اللاعبين..اتفرجو عالشوط التانى عالاقل لما الكوره تكون معاهم اساسيات التمرير والاستلام نسوها حرفيا ..حاجات كانو بيعملوها عالمغمض الموسم الماضي متعلمينها وهما اطفال..البدنى واقع .. الشراسه والحميه و+90 راحت منهم..فيهم لاعبين خلاص معدتش هايقدرو يقدمو اكتر ما قدموه المواسم السابقة طموحهم وحماسهم ولياقاتهم راحت..ومع كل ده كان ممكن نكسب.
