تحدث محمد الشناوي قائد النادي الأهلي بعد خسارة الفريق بنصف نهائي كأس العالم للأندية أمام فلومينينسي البرازيلي.
وأوضح الشناوي: "غاب التوفيق، عندنا، النهاردة، إحنا عملنا كل حاجة، جيم مفتوح النهاردة لعبنا بشكل كويس، الشوط الأولاني مضيعين حوالي 3-4 فرص الشوط الثاني نفس النظام هي دي المشكلة النهاردة لأن التوفيق غايب عننا النهاردة، هما برضه ضيعوا".
وأضاف الشناوي: "ضربة الجزاء بتاعتهم، فتحت المباراة، إحنا لغاية ضربة الجزاء، إحنا كنا ماسكين المباراة، رايح جاي، الحمد لله النهاردة اللعيبة مقصروش، لما دخل فينا جون، إحنا استعجلنا شوية، كنا لازم نكون هاديين شوية أكتر من كده، بس في الأول في الآخر نقول الحمد لله، واللعيبة إنتو عملتوا اللي عليكوا ".
وأشار قائد الأهلي: "كان نفسنا نصعد نهائي، بقول للجمهور بصراحة إنتم جيتوا النهاردة وساندتونا إن شاء الله تيجي الماتش الجاي وتسانودونا برضه ربنا يكرمنا الماتش الجاي إن شاء الله".
واختتم الشناوي تصريحاته: "بقول للجمهور إحنا النهاردة زعلناكم، بصراحة إنتم ماليين الملعب بس التوفيق طان غايب عننا إحنا عملنا إللي علينا، وزي ما الناس كلها شايفة، إحنا ضيعنا كتير أوي، النهاردة إحنا لو جبنا الشوط الأولاني جون واحد بس كان الماتش فتح وكنا كسبنا المباراة، بس في الأول في الآخر الحمد لله".
