كشف أحمد شوبير الإعلامي بقنوات أون تايم سبورتس، عن مشكلة تواجه النادي الأهلي، بسبب لعبه لعدد مباريات قليل جدًا في بطولة الدوري الممتاز.
وقال شوبير خلال حديثه عبر إذاعة أون سبورت: "الأهلي في ورطة والورطة مش حلوة مش لطيفة الأهلي بقاله شهر و12 يوم ملعبش مباراة رسمية في المقابل النادي اللي هيلاعبه شباب بلوزداد الجزائري لعب 7 مباريات في الدوري".
وأضاف: "هتقولي بلاش شغل الأهلاوية ده وتدي مبررات وأعذار ما لو قالوا للأهلي العب هيقول معلول وديانج وبيرسي تاو مش موجودين الموضوع مش كدة الموضوع بتتحط لايحة".
وأكمل: "الدوري الإسباني 25 أسبوع اتلعبوا ونفس الأمر الدوري الإنجليزي عندنا الأهلي لعب 6 ماتشات انهاردة 12 فبراير ولسة عندك توقف قريب تاني الأهلي لعب 6 ماتشات من أصل 34 مباراة دوري ايه اللي أنت جاي تقول عليه؟".
واستطرد: "وبعدين تقول الدوري هيخلص 15-7 معلش علشان خاطرنا بقى 30-7 حاضر ناخد كدة كام يوم من 8 حاضر.. دلوقتي بقولك لو الدوري خلص 15-8 تبقى معجزة
واختتم شوبير حديثه: "الأهلي هيلعب مع شباب بلوزداد ويطلع يلعب مع ميدياما الغاني في غانا .. الموضوع لازم يتحسب بشكل جيد".
