محمد فارس: كولر أعظم الهدايا اللى منحها القدر للأهلي
محمد فارس: كولر أعظم الهدايا اللى منحها القدر للأهلي
نشر الدكتور خالد الحوادي مترجم فريق الأهلي صورة لمارسيل كولر المدير الفنى للفريق في رحلة العودة من غانا، والتى كانت من أصعب الرحلات وهو جالس ومعه جهاز اللابتوب ويراجع مباراة الأهلي وميدياما الغاني في الوقت الذى كان الجميع غارقون في النوم بعد الإرهاق الذى واجهوه.
وعلق الإعلامى الرياضي محمد فارس “صورة مارسيل كولر اللي صورها دكتور خالد الجوادي مترجم الفريق لكولر وهو شغال على ماتش ميديما في رحلة العودة والكل نايم . هي مش بس بتؤكد كلام كابتن سيد عبدالحفيظ اللي قاله عن كولر وانه مدرب مجنون بالتفاصيل وبيشتغل على كل كبيرة وصغيرة وقادر يتحط في نفس مكانة جوزية مع الأهلي لو استمر في الأهلي .
انما الأهم انها بتعكس ليه كولر اللي اتغلب من صنداونز بخماسية وهو لسه بيستكشف افريقيا بقى نفس المدرب اللي قادر يلعب قدام الترجي والرجاء ويحقق نتائج ايجابيه خارج الأرض .
ويروح ياخد البطولة من الوداد في قلب المغرب . ويروح يكسب ميدياما على ملعب غير صالح لكرة القدم . لإن ببساطة كولر مش مدرب الصدفة ولا الحظ كولر مدرب التفاصيل اللي بتصنع البطولات وعشان كده هو في كل خطوة في مسيرته صنع اضافة مختلفة عن اي مدرب تاني . كولر هو احد اعظم الهدايا اللي منحها القدر للأهلي.
