نفى محمود عبد المنعم كهربا مهاجم النادى الأهلى، وجود أى مشاكل مع أى شخص فى النادى الأهلى، موضحًا :"كل اللاعبين واحد وأى لاعب يشارك بنكون فى ضهره ونشجعه".
وقال كهربا فى تصريحاته لقناة أون سبورت: "بطولة الكأس بطولة غالية علينا أوي، وبشكر جميع اللاعبين وبالأخص إمام عاشور وأفشة أصحاب الهدفين، ومبعدش البطولات مع الأهلى، ومش عارف توجت بكام بطولة، وإن شاء الله أقدى عمرى كله فى الأهلى وأفضل أتوج بالبطولات ولما أخلص مشوارى أبقي أشوف خدت كام بطولة".
تابع لاعب الأهلى: "بنزل الملعب أنسى كل الضغوطات وعندى خبرات كافية لهذا الأمر، وبحمد ربنا على النعمة الللي أنا فيها وفي مدير فنى هو اللي بيحدد مين يلعب ومين يقعد.. ورغم ان الأداء مش كويس لكن ربنا كرمنا علشان نيتنا سالكة".
أردف: "معنديش مشاكل مع كولر ومفيش مشاكل داخل الفريق واللاعبون بيحبوا بعض وأى لاعب بيشارك كلنا بندعمه".
وأضاف: "أحب أشكر كولر على ثقته فيا وإن شاء الله أكون عند حسن ظنه وهو له فضل كبير على كل اللاعبين".
وتوّج الأهلي ببطولة كأس مصر بعد فوزه على الزمالك بثنائية نظيفة فى المباراة التي جمعتهما مساء اليوم، الجمعة، باستاد "الأول بارك" بمدينة الرياض السعودية، وأدارها الحكم البرازيلي أندرسون دارونكو، سجل امام عاشور وأفشة هدفي الأهلي في الدقيقتين 85 والخامسة من الوقت بدل الضائع.
