كشف محمود عبد المنعم كهربا لاعب الفريق الأول لكرة القدم بالنادي الأهلي، سبب عدم انتقاله إلى الدوري السعودي في شهر يناير الماضي.
وقال كهربا خلال حديثه عبر قناة القاهرة والناس: "كنت هروح الدوري السعودي في شهر يناير اللي فات إعارة لكن النادي الأهلي كان محتاجني".
وأضاف: "قولتلهم تمام أنا موجود في النادي الأهلي وتحت أمر النادي الأهلي في أي وقت والله بجد مش دبلوماسية ده من قلبي".
وعن تصريح سابق لمارسيل كولر المدير الفني للنادي الأهلي، بأن كهربا هو المهاجم رقم 3 بالنسبة له، قال كهربا: "الواحد بيتمرن كويس جدا وبيجتهد والواحد تحت أمر الجهاز الفني في أي وقت كل لعيبة النادي الأهلي لاعب واحد".
وأضاف: "قرار اللعب يرجع للمدرب أنا رقم 1 أو 2 أو 3 قرار اللعب يرجعله هو أنا تحت أمره في أي وقت وأي مكان أنا جاهز".
واختتم كهربا حديثه: "مزعلتش من كولر خالص لما قال عليا أنا رقم 3 مبزعلش من أي حد عندنا في المنظومة أنا راجل بتمرن وبجتهد وأي وقت هتجيلي الفرصة هبقى جاهز".
