كشف إمام عاشور لاعب الفريق الأول لكرة القدم بالنادي الأهلي، أنه كان سيعتزل كرة القدم بشكل نهائي، بسبب أحد المدربين الين تدرب تحت ايديهم.
وقال إمام عاشور خلال حديثه عبر قناة الحياة: "في ناس كتير حاولت تقف في طريقي وتعطلني.. كابتن خالد أبو الفتوح في آخر سنة قبل ما امشي من غزل المحلة كان مخليني محبط خالص لدرجة أني قولت مش هلعب كورة تاني".
وأضاف: "كان دايما في الماتشات مكانش مقتنع بيا بس كان عندي إصرار وعزيمة أني أوصل لحلمي أنا كنت آخر لعيب من جيلي اتصعد للفريق الأول في غزل المحلة والحمد لله ربنا كرمني".
وأكمل: "أكيد كان في أسباب تخليه يعمل كدة بس لحد دلوقتي معرفش ايه هي.. أنا ماكنتش مقصر في حاجة خالص فمعرفش ايه السبب".
واختتم إمام عاشور حديثه: "أنا اتكلمت معاه من فترة طويلة واتكلمت معاه في النقطة دي وقالي أنا كنت بعمل كذا كذا علشان أبقى جنبك مكانش بيتعامل معايا بصراحة مكانش بيقولي الكلام اللي كان بيحصل يعني لما كنت أجيل جول كان بيطلعني وينزلني تغيير ويطلعني تاني كان بيعمل حاجات أنا لحد دلوقتي مش فاهمها".
