أحمد موسى يكشف مفاجآت في ضبط سكرتير محافظة القاهرة السابق
أحمد موسى يكشف مفاجآت في ضبط سكرتير محافظة القاهرة السابق
علق الإعلامي أحمد موسى؛ على ضبط سكرتير عام محافظة القاهرة السابق بعد تورطه في قضايا فساد مع إحدى الشركات الخاصة وصلت إلى 76 مليون جنيه.
وقال موسى خلال برنامج "على مسؤوليتي" المذاع على قناة "صدى البلد": "من شوية هيئة الرقابة الإدارية طلعت بيان أنهم مسكوا سكرتير عام محافظة القاهرة السابق؛ ساعد إحدى الشركات في مبلغ بسيط المفترض أنه يدخل خزينة الدولة فالباشا اللي كان ماسك سكرتير محافظة القاهرة قلهم لا غيروا في الأوراق كلمة واحدة من تعديل إلى تحديد".
وأضاف: "التعديل أنك هتدفع فلوس للدولة أما التحديد بلوشي وبما أنك بلوشي ضيعت على الدولة 76 مليون جنيه بجرة قلم وكل التحية لهيئة الرقابة الإدارية ومفيش تستر على أي فاسد".
وتابع: "الراجل دة كان شخصية وخدم في أحد الأماكن فترة طويلة وقالوله اتفضل في هذه المهمة وكان ثقة ولكن لم يكن على قدر المسؤولية واتقبض عليه؛ أرض مساحتها أكتر من 5 ألاف متر بتساعد شركة معينة عن طرق حد تاني؛ حضرتك لما تعمل كدة هتتساب؟".
وأوضح: "كان مفترض أن يتم التجديد ليه ولكن محافظ القاهرة ووزير التنمية المحلية رفعوا الأمر للرقابة الإدارية وسألوا نجددله أو لا فقالوا لا".
واختتم: "تجديد أو نقل أو في البيت أو قبض؛ كله تحت السيطرة ومفيش حاجة بتخرج كدة؛ كل التحية للرجال واللواء خالد عبد العال محافظ القاهرة قال لوزير التنمية المحلية أنا عايز أمشي الراجل دة والاتنين رجال أمن".
