أكد محمود عبد المنعم كهربا، لاعب النادي الأهلي أنه يريد الاستمرار داخل أروقة القلعة الحمراء، وذلك في ظل التأكيدات على اقترابه من الرحيل على سبيل الإعارة لنادي هاتاي سبور التركي.
وقال كهربا في تصريحات عبر قناة إم بي سي مصر: "أنا نفسي أكمل في الأهلي.. لسه المفاوضات شغالة بين الناديين (الأهلي وهاتاي سبور) بس أن نفسي اقعد لآخر يوم في مشواري الكروي في الأهلي ولا أرحل أبدًا".
وأضاف: " (المفاوضات شغالة، معرفش الأمور هتمشي ازاي ! واللي ربنا عاوزه هيكون.. مكنتش متوقع اللي وصلناله (الرحيل) لكن أنا بعمل اللي عليا وفي الاخر دي رؤية الجهاز وانا بحترمها) ".
وتابع:" (مفيش لاعب بيحب يقعد احتياطي خصوصا إني كنت لاعب اساسي لفترات طويلة.. كل مدرب ليه وجهة نظر وانا احترمتها وتقبلتها ومفيش اي مشاكل) ".
وواصل:" (مش كل اللي بنسمعه نصدقه.. بعمل كل اللي عليا.. فيه ناس كتير بتتكلم والكلام كتير.. علاقتي بموسيماني كويسة جدا.. أنا صريح ومش بحب الف وادور.. موسيماني هو مدربي ومدرب النادي) ".
وأتم:" (آخر ماتش لعبت 90 دقيقة عملت جونين وجبت جول وخدت احسن لاعب في المباراة، وبعد كده ملعبتش تاني) ".
