أحمد موسى عن التصريحات الأمريكية حول الحرب العالمية: "إنتوا فاكرينها سهلة؟"
أحمد موسى عن التصريحات الأمريكية حول الحرب العالمية: "إنتوا فاكرينها سهلة؟"
علق الإعلامي أحمد موسى؛ على التصريحات الصادرة عن البيت الأبيض؛ حول الأزمة الروسية الأوكرانية والإشارة إلى إمكانية وقوع حرب عالمية ثالثة.
وقال موسى خلال برنامج "على مسؤوليتي" المذاع على قناة "صدى البلد": "يبدو الأمور مش هتخلص قريب بين أوكرانيا وروسيا؛ النهاردة كان في اجتماع بين مستشار الأمن القومي الأمريكي وأحد كبار المسؤولين في الخارجية الصينية واللقاء كان عشان ايه؟ أنه الصين لا تساند روسيا".
وأضاف: "قبل ما يروح مستشار الأمن القومي عمل مؤتمر صحفي ووجه رسائل تحذيرات إلى الصين ويبدو أن الاجتماع فشل والصين كان ليها رأي أخر".
وتابع: "أمريكا والبيت الأبيض طلعوا تصريحات النهاردة عن الاجتماع؛ قال سيكون هناك عواقب إذا قدمت الصين الدعم إلى روسيا واندلاع حرب عالمية تالته لا تصب في مصلحة أمننا القومي".
وواصل: "النهاردة أمريكا بتتكلم عن حرب عالمية تالتة وكأن الحرب العالمية التالته مسألة بسيطة وكأن الأمريكان وغيرهم شايفين الأمر سهل وكأن الدول اللي عندها سلاح نووي تتحكم في مصير الشعوب".
وأكمل: "دي مش حرب عالمية تالتة وهما اللي قالوا إنها هتبقي نووية ومحدش عامل اعتبار لسبعة تمانية مليار في العالم؛ سهل الكلام على حرب عالمية تالته تدمير مليارات من البشر بتكلموا على حقوق مين وليه الدول تدفع تمن غالي عشان مصالح دولة واحدة".
واختتم: "الأمور بالشكل دة فيها مخاطر شديدة على مختلف دول العالم ولما تيجي النهاردة تقول إننا سنواجه؛ أنت عايز توصل العالم وعايز تعمل خناقة تدمر العالم ومحدش بينسي ياجماعة أول ناس استخدموا السلاح البيولوجي في التاريخ بريطانيا وأول حد في التاريخ استخدم السلاح النووي كانت أمريكا".
