تحدث خالد مرتجي عضو مجلس إدارة النادي الأهلي عن السويسري رينيه فايلر المدير الفني السابق للقلعة الحمراء.
وقال مرتجي في تصريحات إذاعية اليوم الثلاثاء "مانويل جوزيه مش هيتكرر، الي كان ممكن يكرره رينيه فايلر، كنا شايفين انه مستقبل كبير للنادي الأهلي ولكن الكورونا غيرته".
وتابع "انا شايف ان العالم قبل الكورونا حاجة وبعد الكورونا حاجة تانية، ونفس الأمر بالنسبة للكورونا، فايلر قبل تفاقم الكورونا كان بيقعد يطالبني بضرورة اللعب واستمرار المسابقة وعدم توقفها".
وأضاف "فايلر كان مدرب كويس، محمود الخطيب ادانا الموافقة اننا نسافر نتعاقد أنا وأمير توفيق معاه، رحنا في 5 أيام 4 بلاد، من ألمانيا لبراج لمونت كارولو لسويسرا".
وواصل "كانت سفرية 5 أيام متعبة وعصبية جدًا، ولكن أول ما شوفنا فايلر قولنا ده شخصية النادي الأهلي، من أول ما قابلته قولت لأمير هو ده، وقلت الكلام ده لكابتن محمود الخطيب".
وأختتم مرتجي تصريحاته "علاقتي انقطعت منذ رحيله عن الأهلي، زعلت منه واتضايقت انه مشي، انا اعرف ناس كتير من سويسرا وحماتي سويسرية 100% وهم جادين جدًا في عملهم مش زي ما بيتقال".