رحاب الجمل توضح حقيقة تبرؤها من فيلم "بنت من دار السلام"
رحاب الجمل توضح حقيقة تبرؤها من فيلم "بنت من دار السلام"
أكدت الفنانة رحاب الجمل؛ أنها وافقت على المشاركة في فيلم "بنت من دار السلام" بعد أن قرأت دورها موضحة أن الإضافات التي وجدت في الفيلم لاحقا ليس لها علاقة بها ولم توافق عليها.
وقالت الجمل في مقابلة مع برنامج "العرافة" المذاع على قناة "المحور": "أنا وافقت على فيلم قصير وفجأة لما اتحول لفيلم كبير بدأ ياخد خطوط تانية كنت وقتها خايفة من الفتنة وقولت للمخرج الكلام دة وأنا قلتله أنا خايفة عليك".
وأضافت: "قلت للمخرج أنت بدأت تطلع الراجل المسلم اللي بجلابيه بشكل وحش ودا ممكن يعملنا مشاكل وهو قال الفيلم ده بتاع مهرجانات ومش هيتعرض للجمهور أو الرأي العام بشكل كبير".
وتابعت: "أنا قبلت الفيلم بدون ما نتطرق للراجل ده بالشكل ده والمشاهد اللي ظهر فيها في الجامع قبل كدة كان مضاف؛ والفيلم كان ليه شكل تاني بعد كدة".
وأوضحت: "احنا كنا بنصور ونقف بسبب التعثر المادي وكنت بشوف الحاجات وبعترض ولو هنعمل قضية معينة كويس؛ أنا مكنتش لابسة عريان خالص ووصلت الرسالة".
واختتمت: "اللي حصل أني وصلت المعلومة أوي وأنتوا صدقتوها؛ والشخصية بتاعه الفيلم مفيهاش مني حاجة في الحقيقة وأنا مش بتمنى أكون مسيطرة على الرجل".
