مش هتخلى عنهم.. السيسي يرد على المطالبين بوقف مشروع "حياة كريمة"
مش هتخلى عنهم.. السيسي يرد على المطالبين بوقف مشروع "حياة كريمة"
أكد الرئيس عبد الفتاح السيسي؛ أن مشروع حياة كريمة مستمر؛ لافتا أن المشروع لن يتوقف وأن الاعتمادات المالية متوفرة.
وقال السيسي خلال لقائه بالإعلاميين: "حياة كريمة احنا ماشيين فيها؛ أنا بقولكم كدة مش عشانكم؛ دا مستهدف 60 مليون إنسان؛ اتخلى عنه ليه؟ يعني كدة كان تخطيطنا ناقص بقي".
وأضاف: "واحد يقولي طيب ما توقف دة وأدينا ايه؛ هسألكوا سؤال لكل المصريين؛ هل النهاردة لما يكون ليا أخ أو أخت أو أسرة في الريف وهما معندهمش صرف صحي؛ هل دة أنتوا تقبلوا أن أنا أقول بتأجيله أكتر من كدة".
وتابع: "كنت بكلم مع وزير الري؛ بقوله موضوع تبطين الترع دة هيوصل معانا لأيه؟ المشروع هيتكلف 90 مليار جنيه".
وأكمل: "من منظور وطني؛ لا ميتسابوش؛ من منظور ديني لا ميتسابوش؛ في أول كلمة وأحنا بنبدأ المشروع قلت أحنا نتمنى أننا نخلص المرحلة الأولى في سنة ونخلص المشروع في 3 سنوات".
وواصل: "قضية الوقت في تنفيذ الخطة في تحدي؛ قلت إني بعمل عمل على حالة مش مخططة؛ بناء في ريفنا المصري مش متنظم وبالتالي الخطة قد تجد بعض الصعوبات".
واختتم: "أنا عايز أدخل الغاز في كل مكان لكن هل هقدر؟ لا؛ لكن خطتنا أظبط وأحسن الكهرباء وماية الشرب؛ الخطة أن أدخلك الكهرباء بشكل مستقر ونفس الكلام الماية والصرف الصحي يبقي حياة كريمة لا توقف".
