لم يكن يعرف قادة جماعة الإخوان الإرهابية أو مريدوهم أن ظنونهم بأن المصريين لديهم ذاكرة سمكة بفعل ضغوط الحياة اليومية ما يجعلهم عرضة لإعادة تسلل فكر التنظيم مجددًا مستغلين التحولات العالمية ودفع المصريين للنسيان أو الغفران، إلا أن التسريبات التى ظهرت فى مسلسل "الاختيار 3" نسف مظلومية وكربلائية الإخوان بالصوت والصورة.

مظلومية الإخوان التى كانت تُروج أن الدولة وأجهزتها الأمنية والعسكرية تجنت عليهم زاعمين أنهم ملائكة مُنزلين من السماء، إلا أن تلك التسريبات كشفت عن وجههم القبيح بل وعن معاداتهم للجميع بداية مما كانوا معهم و انشقوا أو ممن كان منضم لفصيلهم المسمى بالإسلام السياسي، وكرههم الشديد للجيش والأجهزة الأمنية التي كانت توثق جرائمهم وتعرف خباياهم.

ولم يكن حديث الرئيس عبدالفتاح السيسي عن المسلسل بأنه ما تم فى فالواقع فى ذلك الوقت بدقة متناهية محض صدفة، فقد قال ما جرى مرارًا وتكرارًا وفي مناسبات عدة، إلا أن الكثيرين كانوا يظنون أنه مجرد كلام بلا أدلة إلا أن الأدلة كانت هذة المرة فاضحة.

وهو الأمر الذي دفع مدير المركز المصري للفكر والدراسات الاستراتيجية العميد خالد عكاشة، أن يقول فى أحد الحوارات التلفزيونية تعقيباً على "الاختيار 3"  أنه موجه إلى كتلتين: الأولى هي أعضاء التنظيم ومؤيديهم وكثيرون منهم ما زالوا مغيبين، ولا يعلمون أن قياداتهم ارتكبت هذه الجرائم الفاضحة.

وأضاف عكاشة، أن المسلسل يضع لأعضاء التنظيم ومؤيديه هذه "الأصنام" التي عبدوها لسنوات (القيادات)، ويكشف تآمرهم على الجميع وعلى كل مكونات الدولة المصرية، أما الكتلة الثانية التي يشير عكاشة إلى أن المسلسل موجه لها فهي الرأي العام الذي يحتاج لتنشيط الذاكرة ووضع الصورة كاملة أمامه.

وتستعرض "الدستور" فى التقرير التالي كل ما تم بثه من "تسريبات" كأوراق إدانة الإخوان وقادتهم ونظامهم.

الحلقة 4:

مرشد الإرهابية: فصلنا أبوالفتوح لأنه لم يلتزم وعايز الرئاسة

حديث مرشد عام الإخوان الإرهابية محمد بديع، عن عبد المنعم أبوالفتوح ومطالبته إياه بالتراجع عن مواقفه السابقة ضد الجماعة الإرهابية، والترشح نقيبًا للأطباء ليكونوا عونًا لجماعته، قائلًا: "حتى تعود لجماعتك وتغفر لك الجماعة".

وأضاف محمد بديع في التسريب: "أنا عارفه أكتر من حضراتكم، أرجو تعفوني حتى من الكلام عنه، إحنا لم نفصله إلا لأنه لم يلتزم وكان بيناور، وبعتلي قالي لو الدكتور العوا اترشح أنا هنسحب لأنه أحق بيها، قلتله أنا بنصحك تنسحب خالص وأنت دلوقتي رئيس اتحاد الأطباء العرب وهتبقى نقيب أطباء مصر ورئيس اتحاد النقابات الطبية والناس هتحبك والإخوان هتحبك، رفض.. هو عاوزها".

الحلقة 5

خيرت الشاطر: «لينا تار عند القوات المسلحة»

أحد اجتماعات مكتب إرشاد الجماعة الإرهابية، يظهر خلاله خيرت الشاطر قائلًا: «مكتب الإرشاد الحالي اكتر من نصه اتحاكم عسكريا، والمكتب التنفيذي بتاع الحزب الحالي أكثر من نصه اتحاكم عسكريا، وبالتالي لما نيجي نناقش أي حاجة خاصة بالجيش والتعامل معاه بيبقى كل واحد على مستواه الشخصي حاسس بتار، فدي بتتعبنا في مسائل كتيرة بشكل مش مظبوط».

الحلقة 6

خيرت الشاطر: «كل الظباط اللى اشتغلوا فى الأمن الوطنى لازم يتفوروا»

قال الشاطر، خلال التسريب: «كل اللي اشتغل في نيابة أمن الدولة وجزء كبير من النيابة العامة لازم يتفور كله لأن ده جهاز اتربى على التبعية للسلطة وكتير جدًا بشكل كبير يعني مش بيخلصوا حاجة كدا لله وللقانون.. كل الضباط اللي اشتغلوا في الأمن الوطني لازم يتفوروا».

الحلقة 8

أخطر تسريب سياسي: مرسي يهدد بحرق مصر إذا لم يصبح رئيسًا

لقاءً ثلاثيًا جمع المشير محمد حسين طنطاوي، واللواء عبدالفتاح السيسي، والقيادي بجماعة الإخوان الإرهابية حينها  محمد مرسي.

وخلال اللقاء قال المشير محمد حسين طنطاوي: «أنا بتابع السيسي من أيام ما كان مقدم ومش بس يؤتمن على الجيش ده يؤتمن على البلد بحالها».

وقال طنطاوي: «اللي حصل هو المفروض ميكنش موجود عشان يبقى الكلام دا بيني وبينك.. بس دا يعني مش ابني».

ليرد مرسي: «أنا عارف العلاقة دي إلى أي مدى أنا عارف الثقة»، بينما قال طنطاوي: «وبعدين على فكرة قربه من الله وإخلاصه لله الحمد لله».

ليرد السيسي: « يارب أكون كدا».

وتابع مرسي: «سيادة اللواء عبدالفتاح السيسي الشخصية الحقيقية.. إحنا بنعتبره من الأسس اللي مع حضرتك الدراع الأساسية يعني مش هنقول الدراع اليمين»، ليرد المشير: «دا  من زمان أنا حاطط عيني عليه».

ودار حوار بشأن نتيجة الانتخابات الرئاسية.

وقال مرسي: «النتيجة متتغيرش لإن دي إذا حصلت ليس لها من دون الله كاشفة.. الموجة اللي موجودة موجة إضرام نيران لمن لا يقدر المسئولية، لا أتمنى ذلك ولا أوافق عليه».

وقال المشير: «لو حصل، وجهة ما حاولت تضرم النار في البلد هتبقى مصيبة على البلد وعلينا كلنا.. خد بالك من دي وخليهم مفيش داعي للحاجات دي».

مرسي: «التصرف الموجود لشعور الموجود تلقائي شعبي وليس مخطط له، ليقاطعه المشير: «لأ مخطط له».

وطلب مرسي إلغاء قرار حل مجلس الشعب، وقال المشير: «ليس من سلطتي إلغاء القرار ده قرار محكمة والتنفيذ حاجة والقرار حاجة».

ليقول مرسي: «استمع إلي» ليرد المشير: «استمعت إليك كتير جدا». 

وقال مرسي: اقترحت إلغاء القرار، أو إحالته إلى الفتوى والتشريع لحد ما يقول رأيه، ليرد المشير: «لو جمعت المجلس وعرضت عليهم محدش هيوافق عليه».

مرسي: «إذا استشعر الناس لتغيير النتيجة» ليقاطعه المشير: «شعب مين والا قصدك فئة معينة.. معظم الشعب بيقول كلام تاني».

مرسي: «تغيير النتيجة سيؤدي إلى كثير من الاضطرابات وهناك خطر حقيقي».

الحلقة 9

لقاء جمع الرئيس محمد مرسي ونائب مرشد الجماعة الإرهابية خيرت الشاطر عن الانتخابات الرئاسية

وقال مرسي في مقطع الفيديو: "قالوا البرادعي زعلان على موضوع رئاسة الوزراء ..البرادعي كان هيموت على رئاسة الوزراء.

يعني حضرتك فاكر اتصل بينا مرتين في نفس اليوم

ياعم مش إحنا اللي واقفين.. قال خلاص قولهم إنكم مش واقفين قول إن ليس لدينا مانع، طب هي رئاسة الوزراء مهمة للدرجة دي؟".

وفي الفيديو يلتقط خيرت الشاطر خيط الحديث ويتحدث قائلا: "دي اديته رسالة الإخوان مش هيدوله في انتخابات الرئاسة.. وهو كان بيراهن على غير كده".

مرسي: عمرنا ما قولناله هنديلك

خيرت الشاطر : "التصويت كتلته 60/70 باتجاه الإسلاميين فرص نجاحة ضعيفة، فقرر الانسحاب بشرط، ونوع من الضغط جايز الناس بتحب الضحية حد بيتعاطف معاه الطريقة الأمريكاني يعني.

مرسي: عمر ما حد قاله كلمة

الحلقة 10

 أخطر تسريب لخيرت الشاطر عن دخول عناصر من القاعدة إلى مصر 

نائب مرشد جماعة الإخوان الإرهابية خيرت الشاطر وهو يتحدث عن العمليات الإرهابية في مصر مع ظهور حازم صلاح أبو وقال الشاطر: «المجموعات الرئيسية اللي كانت بتدعم حازم أبو إسماعيل مئات الآلاف في المحافظات على مستوى الجمهورية، السلفية الشعبية بتتبناه، ووجزء من سلفيين القنوات الفضائية، ودول مش منظمين مش جسم يقدر يعمل شغل كبير».

أضاف: «إنما في  مجموعات خطر زي عبدالمجيد الشاذلي أو القطبيين أو السلفيين الجهاديين حتى لو قليلين دول خطر حقيقي متبنين فكرة العنف، عندهم نظرية نقفز على الحكم والسلطة وتعديل خطير في استراتيجيهم يبقى جزء من الإصلاح من فوق من وجهة نظرهم».

وتابع: «عبدالمجيد وجه نداء الشهر اللي فات للقاعدة والعنف اللي برة إنهم ينزلوا مصر ونزل شوية مش كتير 30 أو 40 شخصا في ظل الهيصة في البلد والأمور مش محكومة على مستوى أمن الدولة وأجهزة المختلة يمكن يبقى في تفكير في تفجيرات محدودة».

وأكمل: «ده لو توافق مع سكون عند الإخوان ده تبقى كارثة. لو نزلت مليونية وجه عندي صوت طب إطلع على المحكمة أو اللجنة العليا للانتخابات مجلس الدفاع أو وزارة الدفاع.. وأنا قلقان إن الفترة الجاية تلجأ للعنف حتى لو على نطاق صغير..  هنرجع لأجواء 92 وأجواء ثانية كان خمسة ستة في حتة بيعملونا فرقعة في المتحف ولا في حاجة بتعملنا إزعاج».إسماعيل.

الحلقة 11

مرسي والشاطر يهدادن بمحاصرة الحزب الوطني بـ 30 ألف إرهابي 

مرسي: “إحنا كان عندنا بعض المعلومات نخش على صاحب الحكاية نقوله اتعدل وإلا يعني أنا فاكر إن اسمه ايه ده بتاع الحزب الوطني في الجيزة”.

فرد خيرت الشاطر: “محمد رجب”.

مرسي: “اللي كان اسمه محمد رجب كان جايب 3 آلاف واحد.. قولت له لم نفسك.. أنت لو فكرت جمع 3000 واحد.. هحاصرك بتلاتين ألف في ساعتين.. وأنت والـ 3000 هتروحوا في 60 داهية”.

الحلقة 12

تسريب يكشف علاقة الإخوان بحماس وإسرائيل: إحنا مش أعداء

حوار بين القيادي الإخواني خيرت الشاطر نائب مرشد الجماعة الإرهابية، ويروي أن الإخوان ليسوا في حرب مع إسرائيل، مؤكدًا وجود تنسيق بينهم وبين حركة حماس.

ولفت الشاطر إلى أن الإخوان لا يريدون أن يذهب المصريون لمحاربة إسرائيل، مؤكدًا أنهم طلبوا من خالد مشعل القيادي فى حماس أن يصدر بيانًا بهذا المضمون.

وقال الشاطر خلال التسريب: «لو حصلت ثورة جياع فيها خطر على مصالحكم، وعلى مشروع إسرائيل، النهاردة لما شعب وقف وقال عاوزين نروح الحدود مع إسرائيل؛ كلنا وقفنا وقلنا لا واتصلنا بخالد مشعل».

وأضاف الشاطر «قلنا طلَّع بيان للإعلام، وقالوا مش عاوزين المصريين يروحوا، إحنا دلوقتي مش عاوزين انهيار في البلد، مش عاوزين فوضى مش عاوزين تخريب، ولا حتى ضد مصالحهم، إحنا مش في حرب مع حد».

الحلقة 13

مواجهة حاسمة بين الفريق السيسي وخيرت ومرسي

صوت الفريق أول عبدالفتاح السيسي بحضور الرئيس محمد مرسي، والقيادي الإخواني خيرت الشاطر، وفيه يقول السيسي:

لازم المعادلة الموجودة دلوقتي للرأي العام تتغير.. فيه ناس كتير جدا معجبة إنها بتتكلم محدش طلع قال ما نراه الآن هو محاولة لعرقلة الانتخابات في مصر عشان  ميتحققش الاستقرار في مصر.

وأضاف: «لأ أنا راجل بنظر سياسة وفصيل ممكن يقود البلد في يوم من الأيام فده وقت اللي هو.. أنا مش بدفع عن حاجة».

وتابع: «إحنا ربنا سبحانه وتعالى هيحاسبنا على الكلام اللي بنقوله دلوقتي مع بعض إذا كانت الدولة بتقع مننا يا دكتور سعد وبنحجم عن إن إحنا نتكلم أو ناخد موقف  عشان ده ميأثرش على مكانتنا أو دورنا السياسي.. مننا لله».

الحلقة14

تسريب خطير لأبو الفتوح: وصول حازم أبو إسماعيل للحكم كارثة

تسريبا لعبدالمنعم أبو الفتوح القيادي الإخوان وهو يتحدث عن حازم صلاح أبو إسماعيل، ويقول: «كنت أرى في حازم صلاح أبو إسماعيل هذ الإنسان المتدين وصوله للسلطة كارثة أنا قولتله الكلام ده ياسيادة اللواء.. إيه اللي بتعمله ده وصولك للسلطة كارثة

هي مصر تستحمل الهباب اللي بتعمله لكن للأسف كان له مناصرين ومؤيدين وجت من عندنا ربنا لا كنت أعرف إن أمه أمريكية  ولا خالته ولا إيه الحكاية».

الحلقة 15

تسريب خطير لمرسى والمرشد عن القيادي بـ 6 أبريل أحمد ماهر 

يظهر القيادي بالإخوان محمد مرسي ومرشد الجماعة الإرهابية محمد بديع وهو يتحدث عن القيادي بحركة  6 أبريل أحمد ماهر، وجبهة الإنقاذ الوطني  مع قرب الانتخابات البرلمانية.

مرسي: المسألة لا تتجاوز 500 - 600 ألف مش أكتر من كده.. الأولتراس مزود عدد المشاركة و6 أبريل لما يجمعوا أنفسهم، أحمد ماهر يوم الجمعة لما الإخوان اتكاثروا على الساعة 6 بعد الساعة 4 دي جه يقول ياجماعة الواد رجع في كلامه.. بعد ما كان عمال يقول.. الأخ سامعه بوداني بيقوله دي فرصتنا.

المرشد: نكسر الإخوان

مرسي: أحمد ماهر اللي عمال يعمل كدة 

المرشد: بيوشوشوا  لبعض والله، قاله دي فرصتنا نكسر الإخوان.

مرسي: لما بدأ الناس تيجي العيال فاضية بتاخد فلوس أمال بياكلوا منين دول.

المرشد: لأ وبقالهم وضعية والناس كلها بتتكلم عليهم

مرسي: وبعدين يعمل كده دلوقتي وهتلاقيه الساعة 10 طالع في الفضائيات وعمال يوزع الاتهامات والتوجيهات المسألة دي عايزة تتلم

الحلقة الـ16 

تسريب جديد يجمع القيادي بالإخوان حينها المعزول محمد مرسي بحضور مرشد الجماعة الإرهابية محمد بديع، وهو يتحدث عن الإخواني الهارب أيمن نور رئيس حزب الغد حينها.

في التسريب يقول مرسي: "شوف أيمن نور ده بيتحايل عليا إن أنا أقول لإخواننا يعفو عنه وبتاع ومش عارف.. الحكم بتاعه.. يجمتع في بيته تلات أربع خمس مرات يجيب 50 60 70 واحد.. ويقعد يرتب معاهم ليوم 25.. حاجة مش ممكن بني آدم عجيب الشكل".

ويضيف: "مبيتعظش أبدا حصل إيه يوم 25؟ مشهد في العالم كله بيقولوا أحسن من يوم 25 الأولاني".

مرشد الإرهابية: "مجهزين نفسهم.. لما شوية عيال يعملوا حاجة صغيرة كده يروح مكبرها".

مرسي: "عمر عفيفي اتصل من أمريكا وقال خطة الهجوم على الميدان.. إيه الكلام ده.. هو بيستعبط.. والتاني والتالت 4،5،6،7، معروفين".

الحلقة 17

الشاطر: يعني هم دلوقتي قالهم بمنتهى الوضوح مفيش حاجة اسمها تحالف بين الإخوان والنور ده مرفوض وهيعملنا مشكلة كبيرة في مصر.

استقطاب الإسلاميين وغير الإسلاميين.. دلوقتي إحنا نتبنى مبادرة تيار وائتلاف واسع جدا.. فيه كل من يرغب الانضمام له ممن مثل في مجلس الشعب.. وانتوا هتبقوا موجودين جوه هذا الكيان أهلا وسهلا.. متجيش تقولي لأ ده الوفد علماني تقولي ده الكتلة مش عارف إيه.. كان من الأول قبل الانتخابات كانوا رافضين ده وإزاي خرجوا من التحالف السياسي وده عشان الوفد».

مرسي:عملوا بالنصيحة أوي فراحوا نيلوها من الناحية التانية لأ على فكرة ده محمد نور(محمد نور المتحدث السابق باسم حزب النور السلفى) بيشتغل لوحده محمد نور جه قعد جنب عماد وهو قاعد معايا».

الشاطر:أيوه بس عماد كان يقولي مالوش دعوة محمد نور.. قالوا كلام كويس في القعدة اللي حضرها عماد أنا عرفت جاتله معلومات أكيدة

محمد نور قالي قبل كده أنا وهشام مصطفى كنا بنشتغل في تنظيم قبل كده.. وكنا بنتعامل مع أمن الدولة بس أنا بطلت مش عارف هشام بطل أو لأ الشاطر وعلى فكرة متجوز أجنبية».

مرسي:يعني أنا الكلام منستهوش من شهرين وبعيدن عمال يلعب في كل حاجة محمد نور».

الشاطر:هو بيلعب صح.. بس هم يعني حتى المؤتمر الأخير اللي عامله ده هو راح حضر ده لوحده.

مرسي:ده عاملين هيئة عشان مراقبة البرلمان يا بشمهندس ده شغل جنان رسمي».

الشاطر:«محمد نور وعصام سلطان ومجموعة من الأفراد لأ والمصريين الأحرار».

الحلقة الـ 18

يتحدث خلال محمد مرسي للقيادي خيرت الشاطر قائلا: "النهاردة بتوع اللجان قاعدين وكلهم عاوزين لجنة العلاقات الخارجية.. محمد أنور السادات عايز لجنة العلاقات الخارجية.. والدنيا مهدودة هو ورامي لكح.. هم عارفين أن رامي في المخابرات ومحمد أنور مع الإسرائيليين يعني حافظينها".

وتابع مرسي: “هو من زمان قالي بيني وبينه أنا هادخل الانتخابات.. من قبل الانتخابات قال لجنة العلاقات الخارجية محمد أنور السادات وبعدين على فكرة هو إمكانيته المهارية مش كبيرة مش عالية".

الحلقة الـ19 

عرض تسجيل مسرب للقيادي خيرت الشاطر وهو يتحدث عن عبد المنعم أبو الفتوح يقول خلاله: "الدكتور عبدالمنعم الآن له موقف، إحنا كجماعة واخدين قرار استراتيجي بألا يكون لنا مرشح للرئاسة وإحنا بنقول هذا الكلام من عدة اعتبارات، منها الاعتبار اللي حضرتك تفضلت بالإشارة إليها.. إن إحنا جزء من منظومة دولية فلازم أنا دلوقتي مكررش مأساة غزة وحماس".

وأضاف الشاطر : "نمرة 2 أنا مدرك إن مشكلة مصر الآن وأزمتها، لا يمكن أي فصيل يعرف يشيلها لوحده لازم الكل يحط إيده في إيد بعض، فلو أنا جيت وفرضت نفسي وقلت أنا هقدم مرشح للرئاسة وحشدت الناس راحت انتخبته، فأنا خلاص يعني حفزت ضد كل اللي ممكن عايز يتحفز، طب ما أنا اشتغل من ورا أو اشتغل بشكل جزئي لو الظروف سمحت، وأحط إيدي في إيد الكل".

الحلقة 20

تسريبا للقيادي الإخواني محمد مرسي وخيرت الشاطر، نائب مرشد الإرهابية تضمن هجوما على عصام سلطان، القيادي بحزب الوسط الداعم للإخوان، المحبوس على ذمة قضايا إرهاب.

وفي التسريب يقول خيرت الشاطر: هو عصام مش عاقل أصلا في عداوته مش عاقل طبيعة شخصيته كده، عصام سلطان

بس هو كان رئيس اتحاد الطلبة وعامل إنه زعيم، وبعدين إحنا إشكاليتنا الرئيسية معاه، بس منقدرش نعلنها صراحة

إنه لما فتح مكتب محامي كان عندنا أدلة إنه بيدي رشاوى وكده

فمينفعش أخلاقيا بغض النظر إنك تتفق سياسيا إنك تتعامل معاه تحت أي ظرف، زي واحد زنا بقى مينفعش تقول عليه إخوان مسلمين

مرسي: هو خد فلوس منين؟

خيرت الشاطر يكمل:  أو واحد سرق أو وخلافه فهو كان عنده انحرافات قوية 

بس إحنا مش أسلوبنا بقى إن إحنا نقعد نتكلم في موضوعات

مرسي: خد فلوس لما سافر إيران خد فلوس، وبعدين ده واحد جايبلي الوصل اللي غير بيه الفلوس حتى في مكتب من المكاتب

الحلقة 21 

يتحدث فيه اللواء عبدالفتاح السيسي (مدير المخابرات الحربية آنذاك) إلى كل من خيرت الشاطر نائب مرشد جماعة الإخوان ومحمد مرسي.

ويبدو من حديث السيسي أن اللقاء عُقِد قبل انتخابات الرئاسة المصرية في عام 2012.

وحذّر السيسي في التسريب قيادات جماعة الإخوان (خيرت الشاطر، محمد مرسي، سعد الكتاتني) من إقدام عناصر الجماعة على إحداث أي أعمال عنف أو اضطرابات في أثناء الانتخابات، وطالبهم بالسيطرة على أنصار الجماعة.

الحلقة 22

يظهر فيه نائب مرشد الجماعة الإرهابية خيرت الشاطر بحضور القيادي الإخواني محمد مرسي.

ويقول خيرت الشاطر في الفيديو: «جيلي أنا والناس اللي تعاملت مع عبدالمجيد محمود في تاريخه الطويل كله، أو مع عادل عبدالسلام جمعة كقاضي، كلنا لا نثق في هؤلاء الناس ولا بنسبة واحد في المليون».

الحلقة 23 

تسريب خطير لنائب مرشد جماعة الإخوان الإرهابية خيرت الشاطر، بحضور المعزول محمد مرسي، واللواء عبد الفتاح السيسي رئيس جهاز المخابرات الحربية في هذا التوقيت.

وقال الشاطر في التسجيل المسرب: «أنا مش بطلب من حضرتك دلوقتي تجيبه تحاكمه عشان ربما سياسيا ودوليا الكلام مع واحد زي ساويرس أو بتاع هيتفسر بطريقة تانية».

وأضاف: «إنما أنا عليّ أخلّي الجهات القضائية بس تبدأ تستدعي، تبدأ تحرك القضية من طرف خفي، أحمد بهجت عليه أكتر من 4 مليارات جنيه في للبنك الأهلي».

واستكمل: "مهو موجود.. مش معقول أسيبه يحول قناته تهد في البلد، برضو مبقولش إعدمه ولا أعمل حاجه فيه لأ، أنا واقعي في حلولي وكل حاجة مش صدامي، بمنتهى البساطة أنا أحقق، أبدأ بس أخلي البنك يقول إنت خلاص مدفعتش ومعادك فات فإحنا مضطرين نحط ايدينا على ممتلكاتك وعلى القناة وعلى وعلى".

الحلقة 24

في التسريب يقول محمد بديع:

رئيس الوزراء الإيطالي.. السفير الإيطالي اللي قال لي الكلام ده 

جه زارني وكان يومها طالب إنه يقابلني فـ والله  كنت مسافر كان عندي امتحانات في الجامعة منتدب للدراسات العليا

فقال لي أنا كنت عايز أخلي رئيس الوزارة يقولك الكلام ده بنفسه قولتله كلام إيه؟

قال لي إحنا روحنا زورنا الدكتور مرسي  أنا كنت متصور إن الدكتور محمد مرسي أستاذ في الهندسة

فلقيته رئيس الوزارة بتاعنا رجل اقتصاد دردش مع الدكتور محمد في الاقتصاد

فبيقولي أنا بهنئكم إن عندكم واحد زي الدكتور مرسي.. الكلام ده قبل الترشيح 

لأن رئيس الوزارة اللي بيحب الاقتصاد ومتخصص فيه أعجب جدا بأفكاره الاقتصادية

ده بقى كلام خارج القيم والأخلاقيات لأنهم مختبرهوش فيها اللي هي عمود الإنسان اللي ببركته ربنا بيوفقه ده بينه وبين ربنا

كون إن ربنا يختار لمصر رئيس بهذا الشكل ولا أزكيه على الله ربنا رايد الخير للبلد دي.

الحلقة 25

تسريب تسجيل يجمع الرئيس السيسي وخيرت الشاطر ويلقنه الأول درسًا حول وظيفة الإعلام وحقيقته في مصر على عكس ما يقوله خيرت الشاطر.

حيث قال خيرت الشاطر: «النهاردة القنوات الفضائية الرئيسية مملوكة لعدد من رجال الأعمال، وحضرتك تعرف أكتر مني إن دول استفادوا من النظام السابق أكثر من أي حد.. إنما في قناعتي الشخصية إنهم ليسوا أصحاب مصلحة في استقرار الأوضاع بمصر ومن مصلحتهم إن الأمور تمشي في اتجاه الفوضى وعدم الاستقرار، وللأسف مع الانفتاح اللي حصل في المرحلة الأخيرة في الإعلام.. الإعلام ده شغال.. زمان كان بيبقى موجه من قبل بعض أجهزة الدولة زي أمن الدولة وغيرها ودلوقتي موجه لمصلحة أشخاص وهم مولعين البلد إعلاميًا».

ورد عليه الرئيس السيسي قائلًا: «الإسلام السياسي مش كدة.. الإسلام السياسي مش كده ولا انا مش واخد بالي»؟

وتابع السيسي حديثه: «الإعلام الإسلامي مش كدة يا بشمهندس.. مش الكدب والتلفيق والفتنة.. مش كدة.. وحنظبطه دلوقتي..ده اللي الناس مستنية تشوفه من القوة القاهرة والفاعلة اللي جت واللي هي محسوبة على التيار.. أول مرة تشوفهم بقا.. فاللي هيقولوه هتقبله.. وعشان كدة قولتله: لو سمحت ما تتعاملش بأدبيات وثقافة الماضي يا دكتور كتاتني وشوفوا الناس عايزة منكم إيه عشان يدوكوا وزنكم الحقيقي».

الحلقة 27 

 تسريب جديد يتحدث فيه نائب مرشد جماعة الإخوان الإرهابية خيرت الشاطر، مع محمد مرسي عن فترة انتخابات الرئاسة 2012.

محمد مرسي: «يعني إخونا في حزب النور خدوا أكتر من 8 ملايين صوت، أيوة يعني إحنا وصلنا 15 هما خدوا 8 وده رقم.. فإذا اقتنعوا بواحد زي الشيخ حازم مثلا هيدخلوه إعادة أنت بتتكلم عن حالة».

خيرت الشاطر: «بس أنا بدأت حوار طويل معاهم في الحكاية دي برضو دلوقتي».

مرسي يعني هيزيد جزء.

الشاطر: «يعني مش هيدوله صوتهم لأ هي المشكلة مش في حازم المشكلة إن رأسه متركبة إنه لازم يكون إسلامي..يعني إقناعهم بغير حازم سهل بس المهم إن أنت تديله بديل إسلامي مش إنت متدلوش، يعني بلاش حازم».

مرسي: «مفيش بديل إسلامي مناسب.. خد بالك هي طريقة تفكيرهم، هم معندوهمش أفق واسع».

خيرت الشاطر: «زي ما قولت لحضرتك المرة اللي فاتت والإشكالية إن المزاج العام للناخب المصري الآن إسلامي. فالتحدي الحقيقي إن إحنا لو وقفنا، ودي أزمة عندنا مش بقولها إن يعني هي إحنا بنسوق لفكرة تانية .. لأ ده إحنا فعلا في ورطة كلنا دلوقتي. لأن الشخصية دي قدام الشخصيات الإسلامية المطروحة هتبقى فرص نجاحها مش عالي، لأن المزاج العام كده، كذا وسبعين في المية من الناس».

مرسي: ممكن تلاقي العوا نجح مثلا

الشاطر: «العوا سهل ياريت العوا مش مشكلة.. لأ حازم.. حازم هو اللي هينجح.. كل الاستطلاعات دلوقتي الموجودة كلها جايبنه كلها نمرة واحد».

مرسي: تصور إنت لما يبقى حازم

الحلقة 28 

تسريبا يظهر فيه نائب مرشد جماعة الإخوان الإرهابية خيرت الشاطر، ويسمع فيه صوت عبدالفتاح السيسي.

السيسي: اللي يخاف ميحكمش

خيرت الشاطر: آه لأ طبعا القضية مش قضية خوف

السيسي: لا لا لا معلش الكلمة دي انا دايما أقولها يا عباس

اللي عايز يعمل إنجاز حقيقي وده الناس اللي بتقفز ببلادها بيشوف مواطن العوار والخراب فين

خيرت الشاطر: طبعا

ويروح داخل عليها بلا تردد

خيرت الشاطر: شوف هقول لحضرتك

السيسي: وبدون ظلم