إبراهيم عيسى: مش عايزين مؤسسات دينية تتحكم في الطب والهندسة والتعليم
إبراهيم عيسى: مش عايزين مؤسسات دينية تتحكم في الطب والهندسة والتعليم
أكد الإعلامي إبراهيم عيسى؛ أن مهمة الدولة حماية الدستور لافتا أن الدستور يكفل حرية العقيدة والشعائر الدينية وممارسة العبادات.
وقال عيسى خلال برنامج "حديث القاهرة" المذاع على قناة "القاهرة والناس": "احنا مش عايزين شرطة دينية ولا مؤسسات دينية تتحكم في الطب والهندسة والتعليم والاقتصاد؛ ليه يعني جابوا الكلام دة منين".
وأضاف: "الدولة لازم تحسم موقفها بوضوح؛ احنا مش قيمين على دين حد ومش مهتمين أساسا اللي قدامنا دة مسلم والا مسيحي والا يهودي والا ملوش ملة".
وتابع: "منه لله جمال عبد الناصر اللي عمل خانة الديانة في البطاقة وكانت أول مسمار أن الناس تفرز بعض وتحاسب بعضها على دينها".
وأوضح: "الدولة لابد أن تدير حوار مع نفسها؛ إيه علاقتها بالاقتصاد؟ احنا في بلد فيها اقتصاد حر والا أنها بتتدخل في كل شيء في الاقتصاد؛ هي اللي بتبيع وبتشتري وبتصنع وبتستورد وبتعمل كل شيء والا الدولة المصرية دولة عملت اللي عليها واشتغلت 8 سنين بنية أساسية واتفضلوا اشتغلوا بقي".
واختتم: "الدولة بتتباهى أن المشروعات القومية بتوفر مليون وظيفة سنوي فالقطاع الخاص بيوفر 27 مليون وظيفة ولو سبناه يشتغل هيبقوا 40 مليون".03.