أحمد موسى يدعو لتقليل فاتورة الاستيراد: "التضخم طالع ومش هينزل بكرة"
أحمد موسى يدعو لتقليل فاتورة الاستيراد: "التضخم طالع ومش هينزل بكرة"
دعا الإعلامي أحمد موسى؛ إلى تقليل فاتورة الاستيراد عبر التوقف عن شراء السلع غير الضرورية مطالبا رئيس الوزراء بتقليل استيراد بعض السلع بشكل مؤقت.
ةقال موسى خلال برنامج "على مسؤوليتي" المذاع على قناة "صدى البلد": "كل ما توفر دولار واحد لو في سلع معينة أنا مش في حاجة ليها النهاردة؛ بستورد عربيات بـ5 مليار دولار عربيات طيب ما نجيب باتنين لفترة مؤقتة".
وأضاف: "طيب تليفونات بجيب تليفونات محمولة بـ3 مليار دولار طيب ما نجيب بمليار مبقولش أقفل خالص يعني؛ بنك واحد جايب عطور بـ323 مليون يورو وجايبين شنط سفر بكام مليون؛ ليه خير شايفين الدولارات بتنط؟".
وتابع: "أسماك مش عارف نوعها أية؛ الكلام دة لما الدنيا كانت هيصة دلوقت مبقتش هيصة؛ الناس برة بقت توفر في الأكل وتقول مش هشتري وجزء بيوفروا في البنزين وبيركبوا العربيات مع بعض".
واختتم: "الناس بتقتصد والدنيا غلاء على الكل والأربعة خمس شهور الجايين التضخم طالع ومش هينزل بكرة ولازم تبقى عامل حسابك على كدة".
