تامر أمين: خسارة المنتخب أمام إثيوبيا فضيحة بكل المقاييس
تامر أمين: خسارة المنتخب أمام إثيوبيا فضيحة بكل المقاييس
علق الإعلامي تامر أمين؛ على خسارة المنتخب الوطني أمام إثيوبيا ضمن مباريات الجولة الثانية من تصفيات بطولة الأمم الأفريقية لكرة القدم.
وقال أمين خلال برنامج "أخر النهار" المذاع على قناة "النهار": "اللي حصل النهاردة فضيحة؛ البرازيل كسبت مركز شباب البراجيل 2-0؛ إثيوبيا النهاردة كانت البرازيل واحنا كنا البراجيل؛ مركز شباب البراجيل اللي جمعناه وسافر".
وأضاف: "لا أداء ولا مستوى ولا قتال ولا مهارات ولا حاجة أبدأ؛ إثيوبيا النهاردة في الكورة أخدتنا غسيل ومكوة؛ إثيوبيا مش موجودة في التصنيف دا أول ماتش تكسبه من 6 ماتشات".
وتابع: "تخيلوا مين نجم المنتخب الإثيوبي؟ دا شملس بيكي؛ دا بيلعب في نادي بتروجت في الدرجة التانية بالدوري المصري؛ دي فضيحة بكل المقاييس".
وأكمل: "أنا قلت الكلام دة في البداية ومحدش سمعني وقالولي طالما تم الاختيار يبقي الدعم بس أنا قلت إن إيهاب جلال معندوش أي خبرات دولية؛ ولا أي إنجازات أفريقية يمكن الاستناد عليها؛ بأمارة إيه؟".
وأوضح: "كيروش كان بطل؛ وصل إلى نهائي بطولة الأمم الأفريقية وللمباراة النهائية في التأهل لكأس العالم ويخسر بضربات الجزاء دا مدرب عظيم منمشيهوش ولكن بتمشوا ورا الهوجة".
واختتم: "النهاردة لاعيبة إثيوبيا مش مصدقة نفسها؛ كل تلات دقائق انفراد وكورة في العارضة وليهم هدف ملغى؛ فضيحة وبصراحة في لاعيبة مينفعش تلبس تشيرت المنتخب".
