عمرو أديب: "الروس واخدين ربع أوكرانيا والحرب مكملة"
عمرو أديب: "الروس واخدين ربع أوكرانيا والحرب مكملة"
أكد الإعلامي عمرو أديب؛ أن أوروبا تحاول أن تجد بدائل للغاز الروسي تحسبا لإمكانية إيقافه من قبل روسيا على خلفية الأزمة الأوكرانية.
وقال أديب خلال برنامج "الحكاية" المذاع على قناة "أم بي سي مصر": "في اتفاقيات للغاز مع الجزائر وفي اتفاقيات مع مصر وأوروبا بتحاول تقلل الفجوة بتاعتها؛ وفي أي وقف الروس ممكن يفقلوا الغاز ومع دخول الشتاء يبقي في ظلام".
وأضاف: "الاتحاد الأوروبي بيقول لمواطنيه لو سمحتوا تحملوا أثار الحرب الأوكرانية والعقوبات لأن المواطن الأوروبي ابتدا يسأل ويقول أنا مالي وبيقولولهم معلش احنا أسفين".
وتابع: "يبدو أن الجنون والعند مستمر إلى أبد الأبدين؛ كان الأول بيقولوا في مباحثات؛ ودلوقت الحرب مكملة ودلوقت الروس واخدين ربع أوكرانيا وابتد الربع دة يطلع باسبور روسي والمواطن هناك ابتدا يقولك دلوقت لو سمحت أنا عايز الباسبور الروسي".
واختتم: "النهاردة مصر واقفة في أكبر دولة في الاتحاد الأوروبي تقولهم على فكرة أنا أستطيع أن أساعد بقوة؛ أنا عندي غاز وتسهيلات الغاز وعندي معملين لإسالة الغاز".
