أحمد موسى يعلق على الاستقبال الأسطوري لمدرس الفلسفة سيد العراقي
أحمد موسى يعلق على الاستقبال الأسطوري لمدرس الفلسفة سيد العراقي
علق الإعلامي أحمد موسى؛ على تجمع مئات الطلاب في أحد مراكز الشباب للاستماع لشرح الأستاذ سيد العراقي مدرس الفلسفة للمراجعة النهائية ليلة الامتحان.
وقال موسى خلال برنامج "على مسؤوليتي" المذاع على قناة "صدى البلد": "الأستاذ سيد العراقي أستاذ الفلسفة دخل في المراجعة النهائية للطلاب في مشهد عبقري؛ الطلبة منظمين وحاجة عظيمة جدا؛ موكب حاجة مختلفة تماما".
وأضاف: "الراجل عامل حاجة والنهاردة كان في مركز شباب بالكامل وعاجبني النظام؛ موكب الأستاذ سيد العراقي سيارات فارهة واستقبال ولا أروع الأهم من دة درون بيصور الأستاذ سيد العراقي".
وتابع: "موكب والولاد منظمين وواضح أن الراجل مؤثر فيهم؛ مقطع الفيديو اللي تنشر دة بيظهر حب الطلاب ازاي؛ وفي أسر وأولياء أمور جايين ونزل أستاذ سيد؛ والله لو مين راح المدرسة دي".
وواصل: "لو في محافظ أو وزير راح هيخرجوله الطلبة كدة؟ يطلع الأستاذ سيد يشرح ويشكر الطلبة؛ يا جماعة التعليم في مصر هذا الرجل لازم نعرف خبراته ايه".
وأكمل: "كيف استطاع هذا الرجل أن يجمع هذه الاعداد اللي بيديهم درس وبيشرح المراجعة النهائية؛ بص النظام الموضوع مش هرجلة؛ تتفق أو تختلف زي مانت عايز أنا اللي يعنيني المشهد دة".
واختتم: "هذا الرجل عنده قدرة أن الطلبة دول؛ الراجل دة عنده حاجة بيشرحها للطلبة مفيدة أكيد؛ الراجل دة الولاد رايحين بيدفعوا فلوس قد تكون المراجعة دي بالمجان لكن أنهم يجيوا يسمعوا منه ليلة الامتحان والناس كتير".
