إبراهيم عيسى: تيار الإسلام السياسي عقبة أمام التحول الديموقراطي
إبراهيم عيسى: تيار الإسلام السياسي عقبة أمام التحول الديموقراطي
أكد الإعلامي إبراهيم عيسى؛ أن مصر لن تتحول إلى دولة ديمقراطية طالما ظل تيار الإسلام السياسي متواجدا في المشهد.
وقال عيسى خلال برنامج "حديث القاهرة" المذاع على قناة "القاهرة والناس": "الدولة المصرية لن تكون ديموقراطية أبدا طول ما في اخوان وسلفيين في مصر ودا يبررلك ليه من 70 سنة جمال عبد الناصر تحالف مع الإخوان وليه أطراف في الدولة عايزة يفضل دايما تيار الإسلام السياسي في المشهد لأن دا رهان أن الدولة عمرها ما تكون ديمقراطية".
وأضاف: "تيار الإسلام السياسي غير وطني دول بيشتغلوا بأجندة دولية وبيتاجروا بالدين وتحريض على كراهية الجميع وقائمين على التكفير وأنهم أهل الحل والعقد؛ كل دة تيار الإسلام السياسي وجوده لا يمكن يعمل ديمقراطية في بلد".
وتابع: "رايح الانتخابات واحد بيقولك أنا وكيل ربنا؛ هتنتخب وكيل ربنا والا وكيل الدايرة؟ الدولة لو عايزة تروح لدولة ديموقراطية لازم تستبعد الإسلام السياسي؛ الأحزاب الدينية والسلفية والكلام الوهم والتكاذب على الناس".
وتابع: "عايز أعرفلك الدولة الديموقراطية من وجهة نظري؛ الدولة الديموقراطية اللي تنزل من المطار بتاعها فمتلاقيش صور حكامها سواء كان رئيس أو ملك أو أمير منشورة في كل الشوارع والميادين في كل مكان وكل حتة في البلد".
واختتم: "الدولة الديموقراطية مش هتلاقي صورة رئيسها في أي شارع؛ لو لقيت مفيش صور للرئيس أو الملك تعرف أن دي دولة ديموقراطية وعشان نروح للدولة الديموقراطية لازم نطلع تيار الإسلام السياسي من المشهد".
