أحمد موسى يهاجم بعض خبراء الاقتصاد: "لما حصل خراب سبتوا البلد ومشيتوا"
أحمد موسى يهاجم بعض خبراء الاقتصاد: "لما حصل خراب سبتوا البلد ومشيتوا"
هاجم الإعلامي أحمد موسى؛ بعض خبراء الاقتصاد الذين يتحدثون ويحللون السياسات المالية والاقتصادية في مصر مشيرا إلى أنهم لا يمتلكون المعلومات الكافية.
وقال موسى خلال برنامج "على مسؤوليتي" المذاع على قناة "صدى البلد": "خلال الفترة اللي فاتت تجد بعض وسائل الإعلام تستضيف ناس هما اللي كانوا بيطلعوا قبل 2010 ويطلع اللي كانوا بيتكلموا في الاقتصاد قبل 2010 هما اللي بيتكلموا دلوقت".
وأضاف: "اللي كان بيحصل قبل 2010 غير اللي بيحصل دلوقت؛ زمان كان يقولك يلا نعمل خصخصة فخدوا الحاجات بأبخس الأثمان وباليل يقولوا حاجات معينة عشان الأسهم في البورصة وكانوا بيعملوا كدة عشان يحققوا ثروات؛ دول اللي بيطلعوا النهاردة يتكلموا عن السياسات المالية في مصر".
وتابع: "هل أنت خبيرا في النقد؟ كنت في البنك الفدرالي الأمريكي والا الأوروبي؟ مش كل واحد قرا جمتلين أو كتابين يطلع يتكلم في اقتصاد دولة بحجم مصر؛ أفهم لو أنت تروح دولة عدد سكانها 100 ألف أو 200 ألف أو تقعد مع حبايبك الأمريكان تقول الكلام دة عندهم".
وأكمل: "لما تتكلم عن مصر وظروف مصر اللي ملهاش علاقة بظروف أمريكا والا ألمانيا؛ ألمانيا صادراتها تريليون يورو؛ أحنا بلد الحمد لله يعني ماشية؛ أنا بطالب السادة اللي بيتكلموا لطفا ببلدكم ساعدوا البلد ولا تكونوا أدوات هدم كما كنتم من قبل".
وأوضح: "لما حصل خراب في البلد سابوا البلد ومشيوا برة وعادوا بعد ثورة 30 ستة؛ أنت وقت الخراب مشيت؛ أنتوا عايزين أيه النهاردة من مصر؟ البلد محتاجة النهاردة الكل".
واختتم: "انتقد زي مانت عايز لكن متقولش كلام للرأي العام الناس أنت عارف التفاصيل والا عندك المعلومات؟ أنا بقولك لا عشان لما أقولك الأرقام المفزعة وبتقولوا للرأي العام أكاذيب".
